നടന്ന വിസ്മയം മോഹന്ലാലിനൊപ്പമുള്ള ഏറ്റവും പുതിയ ചിത്രം പങ്കുവച്ച് നടൻ ഉണ്ണി മുകുന്ദന്. എല് ഫോര് ലവ് എന്ന ക്യാപ്ഷനും അദ്ദേഹം ചിത്രത്തിന് ഒപ്പം നല്കിയിട്ടുണ്ട്. എംബ്രോയ്ഡറി ഉള്ള വൈറ്റ് ഷര്ട്ടുകള് ആണ് ഫോട്ടോയില് ഇരുവരും ധരിച്ചിരിക്കുന്നത്.
അതേസമയം മുന് മാനേജരെ മര്ദ്ദിച്ചെന്ന കേസില് ഉണ്ണി മുകുന്ദൻ്റെ മുൻകൂർ ജാമ്യഹർജി എറണാകുളം ജില്ല കോടതി ഇന്നലെ തീർപ്പാക്കിയിരുന്നു. ജാമ്യം കിട്ടാവുന്ന വകുപ്പുകളാണ് ചുമത്തിയിരിക്കുന്നതെന്ന് പൊലീസ് അറിയിച്ചു. പൊലീസിന് അന്വേഷണവുമായി മുന്നോട്ട് പോകാമെന്നും കോടതി വ്യക്തമാക്കി. നേരത്തെ, കേസിൽ ഗൂഢാലോചന ആരോപിച്ച് നടൻ ഉണ്ണി മുകുന്ദൻ തന്നെ സംസ്ഥാന പൊലീസ് മേധാവിക്ക് പരാതി നൽകിയിരുന്നു. ഡിജിപിക്കും ക്രമസമാധാന ചുമതലയുള്ള എഡിജിപിക്കുമാണ് മുകുന്ദൻ പരാതി നൽകിയത്. അതേസമയം വലിയ വാര്ത്താപ്രാധാന്യം നേടിയ സംഭവത്തില് വിശദീകരണവുമായി ഉണ്ണി മുകുന്ദന് ഇന്നലെ വാര്ത്താ സമ്മേളനവും നടത്തിയിരുന്നു.
