വാഷിങ്ടണ്: അമേരിക്ക-ചൈന വ്യാപാര യുദ്ധത്തിന് അന്ത്യം കുറിച്ച് തീരുവയില് തീരുമാനം 90 ദിവസത്തേക്ക് പകരച്ചുങ്കം പിന്വലിക്കാന് ധാരണയായതായി ഇരുരാജ്യങ്ങളും വ്യക്തമാക്കി. സ്വിറ്റ്സര്ലന്ഡിലെ ജനീവയില് നടന്ന വ്യാപാര ചര്ച്ചകള്ക്ക് ശേഷമാണ് പ്രഖ്യാപനം.
ഈ വര്ഷം ആദ്യം യുഎസ് പ്രസിഡന്റ് ഡോണള്ഡ് ട്രംപ് ചൈനീസ് ഇറക്കുമതികള്ക്ക് കനത്ത തീരുവ ചുമത്തിയതിന് ശേഷം ഇരുരാജ്യങ്ങളും തമ്മില് നടക്കുന്ന ആദ്യത്തെ ഉന്നതതല ചര്ച്ചയിലാണ് തീരുമാനം.
കരാര് പ്രകാരം, ചൈനീസ് ഉല്പ്പന്നങ്ങള്ക്ക് മേലുള്ള തീരുവ 145 ശതമാനത്തില് നിന്ന് 30 ശതമാനമായി യുഎസും അമേരിക്കന് ഇറക്കുമതിക്ക് മേലുള്ള തീരുവ 125 ശതമാനത്തില്നിന്ന് 10 ശതമാനമായി ചൈനയും വെട്ടിക്കുറയ്ക്കുമെന്ന് സംയുക്ത പ്രസ്താവനയില് പറയുന്നു
