ചെന്നൈ: കഴിഞ്ഞ ദിവസമാണ് തമിഴ് സൂപ്പര് താരം വിജയ്യും ഭാര്യ സംഗീത സ്വര്ണലിംഗവും 27 വര്ഷത്തെ ദാമ്പത്യം അവസാനിപ്പിച്ച് വിവാഹമോചനത്തിന് ഒരുങ്ങുന്നു എന്ന വാര്ത്ത പുറത്ത് വന്നത്. ഒരു നടിയുമായി വിജയ്ക്കുള്ള ബന്ധം ഉള്പ്പെടെ ആരോപിച്ചുകൊണ്ട് സംഗീതയാണ് വിവാഹമോചന ഹര്ജി ഫയല് ചെയ്തത്. എന്നാല് ഈ വിഷയം കോടതിക്ക് പുറത്ത് ഒത്തുതീര്പ്പാക്കാന് ഒരുങ്ങുകയാണ് താരം.
സംഗീതയ്ക്കും മക്കളായ ജെയ്സണ് സഞ്ജയ്, ദിവ്യ സാഷ എന്നിവര്ക്കുമായി വിജയ് 250 കോടി രൂപയുടെ നഷ്ടപരിഹാരത്തുക വാഗ്ദാനം ചെയ്തതായാണ് വിവിധ തമിഴ്മാധ്യമങ്ങള് റിപ്പോര്ട്ട് ചെയ്യുന്നു. തെരഞ്ഞെടുപ്പ് അടുത്തിരിക്കെ കേസ് കോടതിയിലേക്ക് പോകാതിരിക്കാനുള്ള ശ്രമമാണ് ടിവികെ നേതാവ് കൂടിയായ വിജയ് നടത്തുന്നത്.
