കൊച്ചി: മുന് മാനേജർ വിപിന് കുമാറിനെ മര്ദ്ദിച്ചുവെന്ന കേസില് നടന് ഉണ്ണി കൊച്ചിയിലെ ഫ്ളാറ്റിലെത്തിയാണ് ഇന്ഫോപാര്ക്ക് പൊലീസ് നടനെ ചോദ്യം ചെയ്തത്. വിപിനെ താന് മര്ദ്ദിച്ചിട്ടില്ലെന്ന് ഉണ്ണി മുകുന്ദന് മൊഴിയിലും ആവര്ത്തിച്ചു.
അതേസമയം കണ്ണാടി വലിച്ചെറിഞ്ഞത് വൈകാരിക പ്രകടനമായിരുന്നുവെന്നും മൊഴി നല്കിയിട്ടുണ്ട്. കേസില് പൊലീസ് ഉടന് കുറ്റപത്രം സമര്പ്പിക്കും. എന്നാല് സംഭവത്തില് നേരത്തെ സിനിമാ സംഘടനകള് ഇടപെടുകയും ഒത്തുതീര്പ്പിലെത്തുകയും ചെയ്തിരുന്നു.
ഈ മാസം 26ന് ഉണ്ണി മുകുന്ദന് മര്ദിച്ചു എന്ന് ആരോപിച്ച് വിപിന് കുമാര് പൊലീസില് പരാതിപ്പെട്ടത്. ഉണ്ണി മുകുന്ദന്റെ ഒടുവില് ഇറങ്ങിയ സിനിമ പരാജയപ്പെട്ട സാഹചര്യത്തില് മാനേജറായ താന് നരിവേട്ട സിനിമയെ പുകഴ്ത്തി സോഷ്യല് മീഡിയാ പോസ്റ്റ് ഇട്ടതാണ് നടനെ പ്രകോപിപിച്ചത് എന്നാണ് പരാതിയില് പറഞ്ഞിരുന്നത്.
