April 2, 2025 - Whiteswan TV News

വാളയാർ കേസ്: മാതാപിതാക്കളുടെ അറസ്റ്റ് തടഞ്ഞ് ഹൈക്കോടതി

April 2, 2025

കൊച്ചി: വാളയാർ കേസിൽ പ്രതികളായ മാതാപിതാക്കളുടെ അറസ്റ്റ് തടഞ്ഞ് ഹൈക്കോടതി. കുറ്റപത്രം റദ്ദാക്കണമെന്ന് ആവശ്യപ്പെട്ടുകൊണ്ടുള്ള ഹർജിയിലാണ് ഹൈക്കോടതിയുടെ നടപടി ഉണ്ടായിരിക്കുന്നത്. ഒരു നടപടിയും ഉണ്ടാകാൻ പാടില്ലെന്ന് നിർദേശം നൽകിയ കോടതി മാതാപിതാക്കൾ വിചാരണ കോടതിയിൽ നേരിട്ട് ഹാജരാകുന്നതിലും ഇളവുനൽകി. ഹർജിയിൽ ഹൈക്കോടതി അവധിക്കാലത്തിന് ശേഷമാകും വിശദമായ വാദം കേൾക്കുന്നത്. 2017 ജനുവരി ഏഴിനാണ് അട്ടപ്പള്ളത്തെ വീട്ടിൽ 13 വയസുകാരിയെ തൂങ്ങിമരിച്ച നിലയില്‍ കണ്ടെത്തിയത്. 2017 മാര്‍ച്ച് നാലിന് ഇതേ വീട്ടില്‍ സഹോദരിയായ ഒമ്പത് വയസ്സുകാരിയെയും തൂങ്ങിമരിച്ച നിലയില്‍ […]

നടിയെ ആക്രമിച്ച കേസ് ; പ്രതി എങ്ങനെ സിബിഐ അന്വേഷണം ആവശ്യപ്പെടുമെന്ന് ദിലീപിനോട് ഹൈക്കോടതി

April 2, 2025

കൊച്ചി: നടിയെ ആക്രമിച്ച കേസില്‍ സിബിഐ അന്വേഷണം ആവശ്യപ്പെട്ട് നടന്‍ ദിലീപ് സമര്‍പ്പിച്ച ഹര്‍ജിയില്‍ ഹൈക്കോടതിയുടെ രൂക്ഷ വിമര്‍ശനം. കേസില്‍ പ്രതിയായ ഒരാള്‍ക്ക് എങ്ങനെയാണ് സിബിഐ അന്വേഷണം ആവശ്യപ്പെടാന്‍ കഴിയുക എന്നാണ് ഹൈക്കോടതി ഡിവിഷന്‍ ബെഞ്ച് ചോദിച്ചത്. 2017-ല്‍ ഓടുന്ന വാഹനത്തില്‍ വെച്ച് നടി ആക്രമിക്കപ്പെട്ട കേസില്‍ എട്ടാം പ്രതിയാണ് നടന്‍ ദിലീപ്. ഈ കേസില്‍ സത്യം പുറത്തുകൊണ്ടുവരാന്‍ സിബിഐ അന്വേഷണത്തിന് ഉത്തരവിടണമെന്ന് ആവശ്യപ്പെട്ടാണ് ദിലീപ് ഹൈക്കോടതിയില്‍ ഹര്‍ജി നല്‍കിയത്. ഈ ഹര്‍ജി പരിഗണിക്കുമ്പോഴായിരുന്നു കോടതിയുടെ വിമര്‍ശനം. […]

പാലക്കാട് ചുമട്ടുതൊഴിലാളിക്ക് സൂര്യാഘാതമേറ്റു

April 2, 2025

പാലക്കാട്: ജോലിക്കിടെ ചുമട്ടുതൊഴിലാളിക്ക് സൂര്യാഘാതമേറ്റു. തേനാരി തോട്ടക്കര സ്വദേശി സതീഷിനാണ് ഇന്നലെ സൂര്യാഘാതമേറ്റത്. തോട്ടക്കര ഭാഗത്ത് കൊയ്ത്ത് കഴിഞ്ഞ നെല്ല് കയറ്റുന്നതിനിടെയാണ് സംഭവം. കൈയ്യിലും മുതുകിലും സാരമായി പൊള്ളലേറ്റു. സതീഷ് നിലവിൽ എലപ്പുള്ളി താലൂക്ക് ആശുപത്രിയിൽ ചികിത്സയിലാണ്.

2020നു ശേഷം ആദ്യമായി ശമ്പളം കൃത്യസമയത്ത് നല്‍കി കെഎസ്ആര്‍ടിസി

April 2, 2025

തിരുവനന്തപുരം : കെഎസ്ആര്‍ടിസി ജീവനക്കാര്‍ക്ക് ഒറ്റത്തവണയായി ഒന്നാം തീയതി തന്നെ ശമ്പളം നല്‍കി. 2020നു ശേഷം ആദ്യമായാണ് ശമ്പളം ഒന്നാം തീയതി തന്നെ അക്കൗണ്ടിലെത്തുന്നത്.മാര്‍ച്ചിലെ ശമ്പളമാണ് പൂര്‍ണമായും ഒന്നാം തീയതി തന്നെ നല്‍കിയത്. എന്നാല്‍, എംപാനല്‍ ജീവനക്കാര്‍ക്ക് മുഴുവന്‍ ശമ്പളം നല്‍കാനായില്ല. ഇവര്‍ക്ക് കുടിശികയുണ്ടായിരുന്ന ഫെബ്രുവരിയിലെ പകുതി ശമ്പളമാണ് ഇന്നലെ ലഭിച്ചത്. മുന്‍പ്, ടോമിന്‍ തച്ചങ്കരി എംഡിയായപ്പോള്‍ 3 മാസം ശമ്പളം ഒന്നാം തീയതി തന്നെ നല്‍കിയിരുന്നു. എംപാനല്‍ ജീവനക്കാരെ പിരിച്ചുവിട്ടും എണ്ണക്കമ്പനികള്‍ക്ക് ഉള്‍പ്പെടെയുള്ള പണം തടഞ്ഞുവച്ചുമായിരുന്നു […]

ബലത്സംഗക്കേസില്‍ ആള്‍ദൈവം ആസാറാം ബാപ്പുവിന് ജാമ്യം

April 2, 2025

ഷാജഹാന്‍പൂര്‍: ബലത്സംഗക്കേസില്‍ ആള്‍ദൈവം ആസാറാം ബാപ്പുവിന് ജാമ്യം. ചികിത്സയ്ക്ക് വേണ്ടി മൂന്ന് മാസത്തെ ഇടക്കാല ജാമ്യമാണ് നല്‍കിയിരിക്കുന്നത്. 2013 ല്‍ 13-കാരിയെ പീഡിപ്പിച്ച കേസില്‍ ആസാറാം ബാപ്പുവിനെ ജീവപര്യന്തം ശിക്ഷയ്ക്ക് വിധിച്ചത്. ആസാറാം ബാപ്പുവിന് ജാമ്യം ലഭിച്ചതിനെ തുടര്‍ന്ന് തങ്ങളുടെ സുരക്ഷയില്‍ ആശങ്കയുണ്ടെന്ന് പെണ്‍കുട്ടിയുടെ കുടുംബം പറഞ്ഞിരുന്നു. ഇതോടെ പീഡനത്തിനിരയായ പെണ്‍കുട്ടിയുടെ സുരക്ഷ വര്‍ധിപ്പിച്ചിരിക്കുകയാണ്. ജില്ലവിട്ട് പുറത്തേക്ക് പോവുകയാണെങ്കില്‍ പൊലീസിനെ അറിയിക്കണമെന്ന് പെണ്‍കുട്ടിയുടെ കുടുംബത്തിന് നിര്‍ദേശമുണ്ട്. 2013-ലാണ് ജോധ്പൂരിലെ ആശ്രമത്തില്‍വെച്ച് 13-കാരിയെ പീഡനത്തിനിരയാക്കിയത്. തുടര്‍ന്ന് ഇയാള്‍ അറസ്റ്റിലാവുകയായിരുന്നു. […]

പാകിസ്താനിൽ ഭൂചലനം, റിക്ടർ സ്കെയിലിൽ 4.3 തീവ്രത രേഖപ്പെടുത്തി

April 2, 2025

ഇസ്ലാമബാദ്: പാകിസ്താനിൽ ഭൂചലനം അനുഭവപ്പെട്ടു. പുലർച്ചെ 2.58 ഓടെയാണ് രാജ്യത്തിന്റെ പല ഭാഗങ്ങളിലും ഭൂചലനം ഉണ്ടായത്. റിക്ടർ സ്കെയിലിൽ 4.3 തീവ്രത രേഖപ്പെടുത്തി. നാഷണൽ സെന്റർ ഫോർ സീസ്മോളജി ഇത് സംബന്ധിച്ച് വിവരങ്ങൾ പുറത്ത് വിട്ടത്. ഇതുവരെ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. ബലൂചിസ്ഥാനിലെ ഉതാലിൽ നിന്ന് 65 കിലോമീറ്റർ കിഴക്ക്-തെക്കുകിഴക്കായി, 10 കിലോമീറ്റർ താഴ്ചയിലാണ് പ്രഭവകേന്ദ്രമെന്ന് യുണൈറ്റഡ് സ്റ്റേറ്റ്സ് ജിയോളജിക്കൽ സർവേ റിപ്പോർട്ട് ചെയ്തു.

വിസ്മയയുടെ മരണം: ഒന്നാംപ്രതി കിരൺകുമാറിന്റെ ഹർജി ഇന്ന് പരിഗണിക്കും

April 2, 2025

ഡൽഹി: കൊല്ലത്ത് ഭർതൃഗൃഹത്തിൽ ജീവനൊടുക്കിയ കേസിൽ വിസ്മയയുടെ ഭർത്താവ് കിരൺകുമാറിന്റെ ഹർജി സുപ്രീംകോടതി ഇന്ന് പരിഗണിക്കും. കേസിലെ ഒന്നാം പ്രതിയാണ് കിരൺകുമാർ. ശിക്ഷാവിധി മരവിപ്പിക്കണമെന്ന് ആവശ്യപ്പെട്ടാണ് കിരണ്‍ കുമാര്‍ ഹര്‍ജി നൽകിയിരിക്കുന്നത്. വിചാരണക്കോടതി വിധി റദ്ദാക്കണമെന്ന് ആവശ്യപ്പെട്ട് ഹൈക്കോടതിയില്‍ നല്‍കിയ അപ്പീലില്‍ തീരുമാനമാകാത്ത സാഹചര്യത്തിലാണ് ശിക്ഷാവിധി റദ്ദാക്കണമെന്നാവശ്യപ്പെട്ട് സുപ്രീംകോടതിയിൽ ഹര്‍ജി നൾകിയിരിക്കുന്നത്. ആത്മഹത്യ പ്രേരണക്കുറ്റം നിലനില്‍ക്കില്ലെന്നും വിസ്മയുടെ ആത്മഹത്യയുമായി തന്നെ നേരിട്ട് ബന്ധിപ്പിക്കാന്‍ തെളിവില്ലെന്നുമാണ് ഹര്‍ജിയില്‍ കിരണ്‍ കുമാറിന്റെ വാദം. ഹര്‍ജിയില്‍ സംസ്ഥാന സര്‍ക്കാര്‍ മറുപടി നല്‍കിയേക്കും.

സിക്കന്ദറിനും മുന്നിൽ ‘എമ്പുരാന്‍’

April 2, 2025

ഈദ് റിലീസായെത്തിയ സല്‍മാന്‍ ഖാന്‍ ചിത്രമായിരുന്നു സിക്കന്ദര്‍. എ.ആര്‍. മുരുഗദോസിന്റെ സംവിധാനത്തില്‍ എത്തിയ ചിത്രം റിലീസിന് മുന്‍പേ വലിയ ചർച്ചയായിരുന്നു. റിലീസ് ദിവസം ആഗോളതലത്തില്‍ 54 കോടി വരുമാനം നേടിയെങ്കിലും മോശം പ്രതികരണങ്ങളെ തുടര്‍ന്ന് രണ്ടാം ദിവസം ചിത്രത്തിന് മിക്കയിടങ്ങളിലും ആളില്ലാത്തതിനാല്‍ ഷോ റദ്ദാക്കുകയാണ്. അതേ സമയം മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്ത എമ്പുരാന്‍ ദേശീയ തലത്തില്‍ റെക്കോഡുകൾ സ്വന്തമാക്കുകയാണ്. ആദ്യദിവസം ലോകത്താകെ 67 കോടി രൂപയാണ് സിനിമ നേടിയത്. ഇന്ത്യയില്‍ ഇക്കൊല്ലം ഒരുദിവസത്തെ ഏറ്റവും […]

ജാതി വിവേചനം നേരിട്ട കൂടല്‍മാണിക്യം ക്ഷേത്രത്തിലെ ജീവനക്കാരന്‍ ബാലു രാജിവെച്ചു

April 2, 2025

തൃശൂർ : കൂടൽമാണിക്യം ക്ഷേത്രത്തിൽ ജാതിവിവേചനം നേരിട്ട ജീവനക്കാരൻ ബാലു രാജിവെച്ചു. തിരുവനതപുരം ആര്യനാട് സ്വദേശിയായ ബാലുവാണ് ഇന്നലെ ദേവസ്വം ഓഫീസില്‍ എത്തി രാജിക്കത്ത് നൽകിയത്. കഴകം ജോലിയിൽ പ്രവേശിച്ച ബാലുവിനെ താന്ത്രിമാരുടെ എതിർപ്പിനെ തുടർന്ന് പിന്നീട് ഓഫീസ് ജോലിയിലേക്ക് മാറ്റുകയായിരുന്നു ഈ കാലയളവിൽ ബാലു അവധിയിൽ പ്രവേശിച്ചു ,തുടർന്നാണ് ഇയാൾ രാജിവെച്ചത് ഫെബ്രുവരി 21ന് ആണ് ബാലു ചുമതലയേറ്റത് . വ്യക്തിപരമായ കാരണങ്ങളാലും ചില ആരോഗ്യപരമായ കാരണങ്ങളാലുമാണ് രാജി എന്നായിരുന്നു കത്തിലെ ഉള്ളടക്കം. കഴക ജോലികൾക്കായി […]

ദീര്‍ഘദൂര ബസുകള്‍ സ്വകാര്യപമ്പില്‍നിന്നുള്ള ഇന്ധനമടി അവസാനിപ്പിക്കണം: കെഎസ്ആര്‍ടിസി

April 2, 2025

പാലക്കാട്: കെഎസ്ആര്‍ടിസി പാലക്കാട് ഡിപ്പോയിലെ ‘മിന്നല്‍’ അടക്കമുള്ള ദീര്‍ഘദൂര ബസുകള്‍ സ്വകാര്യപമ്പില്‍നിന്ന് ഇന്ധനമടിക്കേണ്ടെന്ന് കെഎസ്ആര്‍ടിസി. സ്വകാര്യ പമ്പുകളില്‍നിന്ന് ബസുകള്‍ ഡീസല്‍ നിറയ്ക്കുന്നതുവഴി കെഎസ്ആര്‍ടിസിക്ക് വലിയ നഷ്ടമുണ്ടാക്കുന്നെന്ന പരാതിയെത്തുടര്‍ന്നാണ് മന്ത്രി കെ.ബി. ഗണേഷ്‌കുമാര്‍ നേരിട്ട് ഇടപെട്ട്് നടപടി സ്വീകരിച്ചത്. പാലക്കാട്ടുനിന്ന് മൂകാംബിക, കന്യാകുമാരി, തിരുവനന്തപുരം എന്നിവിടങ്ങളിലേക്ക് സര്‍വീസ് നടത്തുന്ന മിന്നല്‍ ബസുകള്‍ക്കും ബംഗളൂരുവിലേക്കുള്ള ഡീലക്‌സ് ബസിനും പാലക്കാട്ടെ സ്വകാര്യപമ്പില്‍നിന്ന് ഡീസല്‍ നിറയ്ക്കാനാണ് അനുവാദം നല്‍കിയിട്ടുള്ളത്. ഈ ബസുകള്‍ക്ക് ദിവസേന 400 ലിറ്ററോളം ഡീസലാണ് വേണ്ടിവരുന്നത്.ഇതിനുപുറമേ ചിലസമയങ്ങളില്‍ ജില്ലയിലെത്തുന്ന മറ്റ് […]