November 18, 2025 - Whiteswan TV News

മലാപ്പറമ്പിൽ കുടിവെള്ള പൈപ്പ് പൊട്ടി

November 18, 2025

കോഴിക്കോട് : മലാപ്പറമ്പിൽ കുടിവെള്ള പൈപ്പ് പൊട്ടി. അതിന്റെ ഫലമായി നിരവധി വീടുകളിൽ വെള്ളവും, ചളിയും കയറി. ഫ്ലോറിക്കൽ റോഡിലെ പൈപ്പാണ് പൊട്ടിയത്. കഴിഞ്ഞ ദിവസം പുലർച്ചെ രണ്ട് മണിയോടെയാണ് പൈപ്പ് പൊട്ടിയത്. പൈപ്പ് പൊട്ടിയതിനെ തുടർന്ന് റോഡിൽ വൻ ഗർത്തം രൂപപ്പെട്ടതിനാൽ റോഡ് അടച്ചു. അതേസമയം മലാപ്പറമ്പ് ഔട്ട്‌ലെറ്റ് വാൽവ് പൂട്ടിയതിനെ തുടർന്ന് പ്രദേശത്ത് കഴിഞ്ഞ ദിവസത്തേതിനു സമാനമായി ഇന്നും കുടിവെള്ള വിതരണം മുടങ്ങും.

ആലപ്പുഴ റെയിൽവേ സ്റ്റേഷൻ പാളത്തിൽ മനുഷ്യന്റെ കാൽ കണ്ടെത്തി

November 18, 2025

ആലപ്പുഴ: റെയിൽവേ സ്റ്റേഷനിലെ പാളത്തിൽ മനുഷ്യന്റെ കാൽ കണ്ടെത്തി. ആലപ്പുഴ റെയിൽവേ സ്റ്റേഷനിലെ രണ്ടാംപ്ലാറ്റ്‌ഫോമിലെ റെയിൽവേ പാളത്തിലാണ് മനുഷ്യന്റെ കാലിന്റെ ഭാഗം കണ്ടെത്തിയത്. സംഭവസ്ഥലത്തെത്തി പോലീസ് പരിശോധന ആരംഭിച്ചിട്ടുണ്ട്. കാൽമുട്ടിന് താഴെയുള്ള ഭാഗമാണ് റെയിൽവേ പാളത്തിൽ കിടന്നിരുന്നത്. എറണാകുളം-മെമു ട്രെയിൻ കടന്നുപോയതിന് ശേഷമാണ് പാളത്തിൽ കാൽ കണ്ടെത്തിയത്. ഇതിന് ഏകദേശം മൂന്നുദിവസം പഴക്കമുള്ളതായാണ് പോലീസ് നിഗമനം. പുരുഷന്റെ കാൽ ആണെന്നും സംശയിക്കുന്നു.

കുന്ദമംഗലത്ത് തദ്ദേശപോരിന്റെ ചൂട്; സുരേട്ടന്റെ ചായകട രാഷ്ട്രീയ ചർച്ചകളുടെ കേന്ദ്രമാകുന്നു

November 18, 2025

കോഴിക്കോട്: തദ്ദേശ തെരഞ്ഞെടുപ്പ് അടുത്തെത്തുമ്പോൾ കുന്ദമംഗലത്ത് രാഷ്ട്രീയ രംഗം കുതിച്ചുയരുന്നു. മുന്നണികൾ എല്ലാം സ്ഥാനാർഥി പ്രഖ്യാപനങ്ങളിലും പ്രചാരണങ്ങളിലും തിരക്കിലായിക്കഴിഞ്ഞു. താൻ വിശ്വസിക്കുന്ന മുന്നണിക്ക് വേണ്ടിയുള്ള പ്രവർത്തനങ്ങളിൽ മുഴുകി സമയം കണ്ടെത്തുന്ന പ്രവർത്തകരുടെ കൂട്ടായ സാന്നിധ്യം ഈ പ്രദേശത്ത് പ്രത്യേക ശ്രദ്ധേയമാണ്. മുന്നണികളും പാർട്ടികളും വ്യത്യസ്തമായിരുന്നാലും ഇവരിലെ സൗഹൃദം കളയാത്ത രാഷ്ട്രീയ സംസ്കാരമാണ് ഇവിടെ കാണുന്നത്. കുന്ദമംഗലം ഗ്രാമപഞ്ചായത്തിന്റെ മുന്നിലുള്ള സുരേട്ടന്റെ ചായകട നാളുകളായി രാഷ്ട്രീയ കൂടിക്കാഴ്ചകളുടെയും രസകരമായ സംവാദങ്ങളുടെയും പ്രധാന വേദിയായി മാറിയിട്ടുണ്ട്. ചായയും ചർച്ചകളും ചേർന്ന […]

അപകടത്തിൽ മരിച്ച 9 വയസ്സുകാരന് എതിരെ അശ്ലീല പരാമർശം; യുവാവ് അറസ്റ്റിൽ

November 18, 2025

ആലപ്പുഴ: അപകടത്തിൽ മരണപെട്ട ഒൻപത് വയസ്സുകാരന് എതിരെ അശ്ലീല പരാമർശം നടത്തിയ യുവാവ് അറസ്റ്റിൽ. കൊല്ലം ശൂരനാട് സ്വദേശിയായ ആകാശ് ശശിധരൻ ആണ് അറസ്റ്റിലായത്. ആലപ്പുഴ പുന്നപ്രയിൽ വെച്ച് സൈക്കിളിൽ സഞ്ചരിക്കവേയാണ് കാർ ഇടിച്ചു മുഹമ്മദ്‌ സഹിൽ മരണപ്പെടുന്നത്. മരണ വിവരം അറിയിച്ചു കൊണ്ടുള്ള ഫേസ് ബുക്ക് പോസ്റ്റിനു ചുവടെയാണ് യുവാവ് അശ്ലീല കമന്റ് ഇട്ടത്. കമന്റ് ശ്രദ്ധയിൽപ്പെട്ട കുടുംബം പുന്നപ്ര പോലീസ് സ്റ്റേഷനിലും സൈബർ സെല്ലിലും പരാതി നൽകി. സൈബർ സെൽ നടത്തിയ അന്വേഷണത്തിലാണ് കൊല്ലം […]

തിരൂർ നഗരസഭയിലേക്ക് നടക്കുന്ന തെരഞ്ഞെടുപ്പിൽ എസ്ഡിപിഐ 3 സ്ഥാനാർത്ഥികളെ പ്രഖ്യാപിച്ചു

November 18, 2025

മലപ്പുറം: പയ്യനങ്ങാടി എസ്ഡിപിഐ മുൻസിപ്പൽ ഓഫീസിൽ വച്ച് ചേർന്ന മുൻസിപ്പൽ കൗൺസിൽ യോഗത്തിലാണ് തിരൂർ മണ്ഡലം ജനറൽ സെക്രട്ടറി കെ സി ഷമീർ സ്ഥാനാർത്ഥികളെ പ്രഖ്യാപിച്ചത്. നാലാം വാർഡിൽ പി മുഹമ്മദ് ഷാഫി, ഏഴാം വാർഡിൽ തള്ളശ്ശേരി അബ്ദുൽ അസീസ് എന്ന ശിഹാബ്, 19 ആം വാർഡിൽ അബ്ദുറഹിമാൻ എന്ന അബ്ദു എന്നിവരാണ് പാർട്ടി ചിഹ്നമായ കണ്ണട ചിഹ്നത്തിൽ മത്സരിക്കുക. മറ്റു വാർഡുകളിൽ പാർട്ടിയുമായി സഹകരിക്കുകയും വികസനോത്മകമായ അഴിമതി രഹിത പ്രവർത്തനം കാഴ്ചവെക്കുന്നവർക്ക് വോട്ട് നൽകുമെന്നും അദ്ദേഹം […]

ശബരിമല സ്വര്‍ണ്ണക്കൊള്ള; കേന്ദ്രസര്‍ക്കാര്‍ ഇടപെടണം -ബിജെപി

November 18, 2025

തിരുവനന്തപുരം: പിണറായി വിജയന്‍ സര്‍ക്കാര്‍ ശബരിമലയില്‍ നടത്തിയ സ്വര്‍ണ്ണക്കൊള്ളയ്‌ക്കെതിരെ കേന്ദ്രസര്‍ക്കാര്‍ ഇടപെടല്‍ ആവശ്യപ്പെട്ട് ബിജെപി സംസ്ഥാന വ്യപാക ഒപ്പശേഖരണത്തിന് തുടക്കമിട്ടു. തിരുവനന്തപും പഴവങ്ങാടി ഗണപതി ക്ഷേത്രത്തിന് മുന്നില്‍ നടന്ന പരിപാടിയില്‍ ബിജെപി സംസ്ഥാന ജനറല്‍ സെക്രട്ടറി അഡ്വ എസ് സുരേഷ്, സംസ്ഥാന ഉപാധ്യക്ഷന്‍ ശ്രീ കെ സോമന്‍, ബിജെപി സിറ്റി ജില്ലാ അധ്യക്ഷന്‍ ശ്രീ കരമന ജയന്‍ തുടങ്ങിയവര്‍ പങ്കെടുത്തു.

കൊണ്ടോട്ടി നഗരസഭ കൗൺസിലർ കോൺഗ്രസ് വിട്ടു

November 18, 2025

മലപ്പുറം: കൊണ്ടോട്ടി നഗരസഭ കൗൺസിലർ സിപി റഹ്മത്തുള്ള കോൺഗ്രസ് പാർട്ടിയിൽ നിന്ന് രാജിവച്ചു. വ്യക്തിപരമായ കാരണങ്ങളാണ് അദ്ദേഹം വ്യക്തമാക്കിയതെങ്കിലും, കോൺഗ്രസ് ബ്ലോക്ക് മണ്ഡലം കമ്മിറ്റിയുടെ തെറ്റായ നിലപാടുകളെ പ്രതിഷേധിച്ചാണ് രാജി എന്നാണ് വിലയിരുത്തൽ. കോൺഗ്രസിന്റെ പരമ്പരാഗത ശക്തികേന്ദ്രമായി കണക്കാക്കപ്പെടുന്ന കുമ്മിണിപ്പറമ്പ് വാർഡ് വെൽഫെയർ പാർട്ടിക്ക് വിട്ടുകൊടുക്കാൻ നേതൃത്വം തീരുമാനിച്ചിരുന്നുവെന്നും 2030-ൽ സീറ്റ് മുന്നണിയിലെ പ്രമുഖ പാർട്ടിക്ക് നൽകണമെന്ന കരാറും അംഗീകരിക്കാൻ കഴിയില്ലെന്നുമാണ് റഹ്മത്തുള്ള പറഞ്ഞത്. കൊണ്ടോട്ടിയിലെ കോൺഗ്രസ് പ്രവർത്തനം വർഷങ്ങളായി നിർജീവമാണെന്നും കെപിസിസി നിർദേശിക്കുന്ന പരിപാടികൾ പ്രായോഗികമായി […]

വാഴക്കാട് വാലില്ലാ പുഴയിൽ മാലിന്യം

November 18, 2025

മലപ്പുറം: വാഴക്കാട് വാലില്ലാ പുഴയിലെ പൈതൃക തടാകം ഗുരുതരമായ മലിനീകരണ ഭീഷണിയിൽ. മുന്നൂറിലധികം കുടുംബങ്ങൾ കുടിവെള്ളവും കൃഷിയും ദിനചര്യ ആവശ്യങ്ങളും നിറവേറ്റാൻ ആശ്രയിക്കുന്ന ഈ ശുദ്ധജല തടാകം ഇപ്പോൾ പൂർണ നാശത്തിന്റെ വക്കിലെത്തിയാണ്. വർഷങ്ങളായി തടാകത്തിന്റെ സംരക്ഷണത്തിനായി പ്രദേശവാസികൾ ആവർത്തിച്ച് ആവശ്യപ്പെട്ടുവെങ്കിലും യാതൊരു ഫലവും കണ്ടില്ല. വിവിധ സ്കൂളുകളിലെ വിദ്യാർത്ഥികൾ നീന്തൽ പരിശീലനത്തിനായി ഉപയോഗിക്കുന്ന ഈ ജലാശയത്തിൽ ഇപ്പോൾ ആരോഗ്യഭീഷണികൾ ഉയർന്നിരിക്കുകയാണ്. സമീപത്തെ ഒരു സർവീസ് സെൻററിൽ നിന്ന് നിയന്ത്രണമില്ലാതെ ഒഴുകിയെത്തുന്ന ഗ്രീസും ഓയിലും തടാകജലത്തെ കനത്തമായി […]

വിസ്മയം ഫെസ്റ്റ് 2025; വിമല കോളേജിൽ നാളെ മുതല്‍

November 18, 2025

തൃശൂർ : തൃശൂർ വിമല കോളേജിൽ നാളെ വിസ്മയം ഫെസ്റ്റ് 2025 ന് തുടക്കം കുറിക്കും. നവംബർ 19 മുതൽ 21 വരെ മൂന്ന് ദിവസത്തെ പരിപാടികളാണ് സംഘടിപ്പിച്ചിരിക്കുന്നത്. കോളേജിലെ സോഷ്യോളജി വിഭാഗം അസിസ്റ്റന്റ് പ്രൊഫസർ Dr. ബിനുവിന്റെ നേതൃ ത്വത്തിലാണ് ഫെസ്റ്റ് നടക്കുക. കഴിഞ്ഞ അഞ്ചു വർഷത്തോളമായി ഫെസ്റ്റ് കോളേജിൽ നടത്തിവരുന്നു. ഫെസ്റ്റിന്റെ ഭാഗമായി ഇതിനോടകം സ്റ്റാൾളുകൾ ഒരുങ്ങി കഴിഞ്ഞു. കോളേജുകൾ സ്കൂളുകൾ മറ്റു സ്ഥാപനങ്ങൾ എൻജിഒകൾ എല്ലാം ഫെസ്റ്റിവൽ പങ്കെടുക്കും. ഏകദേശം 1000 ത്തോളം […]

ബിജെപി ചാലക്കുടി ഏരിയ കമ്മിറ്റി അംഗവും 10 സഹ പ്രവര്‍ത്തകരും കോണ്‍ഗ്രസില്‍ ചേര്‍ന്നു

November 18, 2025

തൃശ്ശൂർ: ബിജെപി ചാലക്കുടി ഏരിയ കമ്മിറ്റിയംഗവും പത്തോളം സഹ പ്രവര്‍ത്തകരും ബിജെപി വിട്ട് കോണ്‍ഗ്രസില്‍ ചേര്‍ന്നു. എംഎല്‍എ സനീഷ് കുമാര്‍ ജോസഫ് ബിജെപി നേതാവ് പ്രദീപ് പറമ്പിക്കാടന് മെമ്പര്‍ഷിപ്പ് നല്‍കി സ്വീകരിച്ചു. പത്തോളം സഹപ്രവര്‍ത്തകരും അവരുടെ വീട്ടുകാരുമാണ് കോണ്‍ഗ്രസില്‍ ചേര്‍ന്ന് പ്രവര്‍ത്തിക്കുവാന്‍ തീരുമാനിച്ചിരിക്കുന്നത്. വരും ദീവസങ്ങളില്‍ നിരവധി പ്രവര്‍ത്തകരും ബിജെപി വിട്ട് കോണ്‍ഗ്രസില്‍ ചേര്‍ന്ന് പ്രവര്‍ത്തിക്കുവാന്‍ തയ്യാറെടുത്തിരിക്കുകയാണെന്ന് പ്രദീപ് പറമ്പിക്കാടന്‍ പറഞ്ഞു. നേതൃത്വവുമായി ബന്ധപ്പെട്ട പ്രശ്‌നമാണ് രാജിക്ക് കാരണമെന്ന് പ്രദീപ് അഭിപ്രായപ്പെട്ടു. നഗരസഭ ചെയര്‍മാന്‍ ഷിബു […]