കൊച്ചി: സിനിമ സെറ്റില്വെച്ച് നടന് ലഹരി ഉപയോഗിച്ചെന്ന വെളിപ്പെടുത്തല് നടത്തിയ നടി വിന്സി അലോഷ്യസില് നിന്നും വിവരങ്ങള് തേടാന് എക്സൈസ്. എറണാകുളം എക്സൈസ് വിഭാഗമാണ് വിവരങ്ങള് തേടുക. അതേസമയം പരാതി ഉണ്ടെങ്കില് മാത്രമേ കേസ് എടുത്ത് അന്വേഷണം നടത്താന് കഴിയുവെന്നും വെളിപ്പെടുത്തലിന്റെ അടിസ്ഥാനത്തില് മാത്രം കേസ് എടുക്കാനാവില്ലെന്നും എക്സൈസ് വ്യക്തമാക്കി.
കഴിഞ്ഞ ദിവസം ലഹരി ഉപയോഗിക്കുന്നവര്ക്കൊപ്പം ഇനി സിനിമകള് ചെയ്യില്ല എന്ന പ്രസ്താവനയില് നടി വിശദീകരണവുമായി രംഗത്ത് വന്നിരുന്നു. ഒരു സിനിമാ സെറ്റില് വെച്ചുണ്ടായ മോശം അനുഭവം മൂലമാണ് അങ്ങനെയൊരു തീരുമാനമെടുത്തതെന്ന് നടി പറഞ്ഞു. ഒരു നടന് സിനിമാ സെറ്റില്വെച്ച് ലഹരി ഉപയോഗിച്ച് തന്നോടും സഹപ്രവര്ത്തകയോടും മോശമായി പെരുമാറി. ഏറെ ബുദ്ധിമുട്ടിയാണ് ആ സിനിമ പൂര്ത്തിയാക്കിയത്. അതിനാലാണ് ഇനി അത്തരം വ്യക്തികള്ക്കൊപ്പം സിനിമ ചെയ്യില്ലെന്ന നിലപാടെടുത്തത്. തന്റെ സോഷ്യല് മീഡിയ പ്ലാറ്റ്ഫേമിലൂടെയായിരുന്നു നടിയുടെ പ്രതികരണം.
