കോഴിക്കോട്: വടകരയിൽ കുളത്തിൽ നീന്തുന്നതിനിടയിൽ 14 കാരൻ മുങ്ങി മരിച്ചു. വടകര താഴെങ്ങാടി ചേരാൻ വിട അസ്ലമിന്റെ മകൻ സഹൽ ആണ് മരിച്ചത്. കൂട്ടുകാരനോടൊപ്പം കുളത്തിൽ നീന്തുന്നതിനിടയിൽ മുങ്ങി താഴുകയായിരുന്നു.

വെള്ളിയാഴ്ച ഉച്ചയോടെയായിരുന്നു സംഭവം. നാട്ടുകാർ ചേർന്ന് കുട്ടിയെ പുറത്തെടുത്ത് വടകരയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വടകരയിൽ നിന്നും അഗ്നിരക്ഷ സേനയും സ്ഥലത്ത് എത്തിയിരുന്നു. കടമേരി ആർ.എ.സി. ഹയർ സെക്കൻഡറി സ്കൂൾ ഒമ്പതാം ക്ലാസ് വിദ്യാർഥിയാണ്. മൃതദേഹം വടകര ജില്ല ആശുപത്രി മോർച്ചറിയിൽ.