ചെന്നൈ: മദ്യലഹരിയിലായിരുന്ന യുവാവ് ഓടിച്ച കാര് മറ്റൊരു കാറിലിടിച്ച് ഗര്ഭിണി ഉള്പ്പെടെ 2 പേര് മരിച്ചു. മധുര സ്വദേശി പത്മനാഭന് (60), മകള് ദീപിക (23) എന്നിവരാണു മരിച്ചത്. ദീപിക 7 മാസം ഗര്ഭിണിയായിരുന്നു. വളകാപ്പു ചടങ്ങു കഴിഞ്ഞ് വീട്ടിലേക്കു മടങ്ങുന്നതിനിടെയാണ് അപകടമുണ്ടായത്..
ചൊവ്വാഴ്ച പുലര്ച്ചെ, മധുരവോയല്-താംബരം ബൈപാസ് റോഡ് വഴി മധുരയിലേക്കു പോകവേ, പെട്രോള് പമ്പില്നിന്ന് ഇറങ്ങിയ കാര് ഇവരുടെ വാഹനത്തിലേക്ക് ഇടിച്ചു കയറുകയായിരുന്നു. ഗുരുതരമായി പരുക്കേറ്റ മാതാവും കാര് ഡ്രൈവറും ചികിത്സയിലാണ്. ഇടിച്ച കാറിന്റെ ഡ്രൈവര് മണികണ്ഠന് മദ്യപിച്ചാണു വാഹനമോടിച്ചതെന്നു പൊലീസ് കണ്ടെത്തി. തുടര്ന്ന് ഇയാളെ അറസ്റ്റ് ചെയ്തു.
