അഹമ്മദബാദ്: വിമാനാപകടത്തിന്റെ പ്രാഥമിക അന്വേഷണ റിപ്പോര്ട്ട് വെള്ളിയാഴ്ച പുറത്തുവിടുമെന്ന് സൂചന. പിഴവോ മനപ്പൂര്വം ഉണ്ടായ നടപടിയോ അപകടത്തിനു കാരണമായതാകാനുള്ള സാധ്യത തള്ളിക്കളയാനാവില്ലെന്നാണ് റിപ്പോര്ട്ട്. വ്യോമയാന വ്യവസായ പ്രസിദ്ധീകരണമായ എയര് കറന്റിന്റെതാണ് റിപ്പോര്ട്ട്. അപകടത്തെ കുറിച്ച് കേന്ദ്ര വ്യോമയാന സെക്രട്ടറി ഇന്ന് പാര്ലമെന്ററി സമിതിക്ക് മുന്നില് വിശദീകരണം നല്കും.
വിമാന അപകടത്തില് പ്രാഥമിക അന്വേഷണ റിപ്പോര്ട്ട് കഴിഞ്ഞ ദിവസം വ്യോമയാനമന്ത്രാലയത്തിന് സമര്പ്പിച്ചിരുന്നു. റിപ്പോര്ട്ട് വെള്ളിയാഴ്ച പുറത്തു വിടും എന്നാണ് കേന്ദ്ര സര്ക്കാര് വൃത്തങ്ങളില് നിന്നും ലഭിക്കുന്ന സൂചന. എഞ്ചിന് ഇന്ധന നിയന്ത്രണ സ്വിച്ചുകളുടെ ചലനത്തില് കേന്ദ്രീകരിച്ചാണ് അഅകആ നേതൃത്വത്തില് നടക്കുന്ന അന്വേഷണം എന്ന് ആണ് വിവരം.
അതേസമയം സിവില് ഏവിയേഷന് സെക്രട്ടറി സമീര് കുമാര് സിന്ഹ ഇന്ന് സഞ്ജയ് ഝാ അധ്യക്ഷനായ പാര്ലമെന്ററി സമിതിക്ക് മുന്നില് ഹാജരാകും. രാജ്യത്തെ വ്യോമയാന സുരക്ഷ സംബന്ധിച്ച് വിശദീകരിക്കും, അപകടത്തിന്റെ കാരണം, അന്വേഷണം, നഷ്ടപരിഹാരം എന്നിവയില് സമിതി വിശദീകരണം തേടും. എയര് ഇന്ത്യ CEO അടക്കമുള്ളവരെയും സമിതി വിളിപ്പിച്ചിട്ടുണ്ട്.
