കൊച്ചി: അശ്ലീല സന്ദേശ വിവാദത്തില് യൂത്ത് കോണ്ഗ്രസ് സംസ്ഥാന അധ്യക്ഷസ്ഥാനം രാഹുല് രാജി വെച്ചു. എഐസിസി നേതൃത്വം രാഹുലിന്റെ രാജി എഴുതി വാങ്ങുകയായിരുന്നു. ഇ മെയില് മുഖേന രാജി കൈമാറി. ആരോപണങ്ങള്ക്ക് പിന്നാലെ യൂത്ത് കോണ്ഗ്രസില് ഉള്പ്പെടെ രാഹുലിനെതിരെ വിമര്ശനം ഉയര്ന്നിരുന്നു. രാജി വെച്ചൊഴിയണമെന്ന് ഹൈക്കമാന്ഡ് നിര്ദേശം നല്കിയിരുന്നു. രാഹുലിന്റെ രാജിക്ക് വേണ്ടി സമ്മര്ദം ഉണ്ടായിരുന്നു.
വിവാദങ്ങള്ക്ക് പിന്നാലെ രാഹുല് മാങ്കൂട്ടത്തിലിനോട് യൂത്ത് കോണ്ഗ്രസ് ദേശീയ നേതൃത്വം വിശദീകരണം ചോദിച്ചിട്ടുണ്ട്. ദേശീയ ജനറല് സെക്രട്ടറി ശ്രാവണ് റാവുവിന്റെതാണ് നടപടി. അശ്ലീല സന്ദേശ വിവാദത്തില് എഐസിസി ഇടപെട്ടിരുന്നു. പരാതികള് അന്വേഷിക്കാന് കെ.പി.സി.സി ക്ക് നിര്ദേശം നല്കിയിരുന്നു. ഹൈക്കമാന്ഡിന് ലഭിച്ച ചില പരാതികള് കെ.പി.സി.സിക്ക് കൈമാറിയതായും സൂചനയുണ്ട്.
യുവനടിയുടെ വെളിപ്പെടുത്തലിന് പിന്നാലെ യൂത്ത്കോണ്ഗ്രസ് സംസ്ഥാന കമ്മിറ്റിയുടെ വാട്സാപ്പ് ഗ്രൂപ്പിലും ചര്ച്ച നടന്നു. രാഹുല് മാങ്കൂട്ടത്തില് തെറ്റുകാരനല്ലെങ്കില് അത് തെളിയിക്കണമെന്നാണ് ചര്ച്ചയിലെ ആവശ്യം.
