ബംഗളൂരു: ധര്മ്മസ്ഥല കേസില് വെളിപ്പെടുത്തല് നടത്തിയ ക്ഷേത്രം മുന് ശുചീകരണ തൊഴിലാളി അറസ്റ്റില്. വ്യാജ വെളിപ്പെടുത്തല് നടത്തിയ ആളുടെ പേര് പുറത്തുവിട്ടു. സി എന് ചിന്നയ്യ ആണ് ധര്മസ്ഥലയിലെ അജ്ഞാതനായ പരാതിക്കാരന്. ഇയാള്ക്കുള്ള എവിഡന്സ് പ്രൊട്ടക്ഷന് സംരക്ഷണം പിന്വലിച്ചു. വ്യാജ പരാതി നല്കല്, അന്വേഷണ സംഘത്തെ തെറ്റിദ്ധരിപ്പിക്കല് എന്നീ കുറ്റങ്ങള് ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. ഇന്ന് പുലരും വരെ ചോദ്യം ചെയ്ത ശേഷമാണ് നടപടി. ബെല്ത്തങ്കടി എസ്ഐടി ഓഫീസിലാണ് ഇയാള് നിലവില് ഉള്ളത്.
