ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മ്മിക്കുന്ന ‘കത്തനാര്’ എന്ന ബിഗ് ബജറ്റ് ചിത്രത്തിന്റെ ഫസ്റ്റ് ലുക്ക് പുറത്ത്. നടന് ജയസൂര്യയുടെ ജന്മദിനം പ്രമാണിച്ചാണ് ചിത്രത്തിന്റെ ഫസ്റ്റ് ലുക്ക് പുറത്ത് വിട്ടത്. റോജിന് തോമസ് സംവിധാനം ചെയ്ത ഈ ചിത്രം രചിച്ചിരിക്കുന്നത് ആര് രാമാനന്ദ് ആണ്. മലയാളത്തിലെ ഏറ്റവും വലിയ ചിത്രമായി ഒരുക്കുന്ന ഈ ബ്രഹ്മാണ്ഡ ചിത്രത്തിന്റെ പോസ്റ്റ് പ്രൊഡക്ഷന് ജോലികള് ഇപ്പോള് പുരോഗമിക്കുകയാണ്. ബൈജു ഗോപാലന്, വി സി പ്രവീണ് എന്നിവരാണ് ചിത്രത്തിന്റെ കൊ-പ്രൊഡ്യൂസേര്സ്. എക്സിക്യൂട്ടീവ് പ്രൊഡ്യൂസര് കൃഷ്ണമൂര്ത്തി.
മലയാള സിനിമയെ മറ്റൊരു തലത്തില് എത്തിക്കുന്ന ബ്രഹ്മാണ്ഡ സിനിമാനുഭവമായി ആണ് ചിത്രം എത്തുക എന്ന പ്രതീക്ഷയാണ് ഫസ്റ്റ് ലുക്ക് സമ്മാനിക്കുന്നത്. നേരത്തെ റിലീസ് ചെയ്ത ചിത്രത്തിന്റെ ഗ്ലിമ്പ്സ് വീഡിയോ വമ്പന് പ്രേക്ഷക പ്രശംസയാണ് നേടിയെടുത്തത്. ജയസൂര്യയുടെ കരിയറിലെ ഏറ്റവും ശക്തമായ കഥാപാത്രമായി കത്തനാര് മാറുമെന്നും ചിത്രത്തിന്റെ ഫസ്റ്റ് ലുക്ക്, ഗ്ലിമ്പ്സ് എന്നിവ സൂചിപ്പിക്കുന്നു.
അമാനുഷിക ശക്തികളുണ്ടെന്ന് വിശ്വസിച്ചിരുന്ന, കേരളത്തിലെ പുരോഹിതനായ കടമറ്റത്ത് കത്തനാരുടെ കഥകളെ അടിസ്ഥാനമാക്കിയാണ് ഈ ചിത്രം ഒരുക്കിയിരിക്കുന്നത്. എന്നാല് നമ്മള് കാലങ്ങളായി കേട്ട് ശീലിച്ച കഥകളില് നിന്നും കണ്ട് ശീലിച്ച ചിത്രങ്ങളില് നിന്നുമെല്ലാം തീര്ത്തും വ്യത്യസ്തമായ ഒരു രീതിയിലാണ് ഈ ചിത്രത്തില് കത്തനാര് എന്ന കഥാപാത്രത്തെ രൂപപ്പെടുത്തിയിരിക്കുന്നത് എന്ന സൂചനയും ഫസ്റ്റ് ലുക്ക് സമ്മാനിക്കുന്നുണ്ട്. ഒന്നര വര്ഷം നീണ്ട കത്തനാറിന്റെ ചിത്രീകരണം കഴിഞ്ഞ വര്ഷം ഒക്ടോബറിലാണ് പൂര്ത്തിയായത്. ഇന്ദ്രന്സ് നായകനായ, ദേശീയ പുരസ്കാരം നേടിയ ‘ഹോം’ എന്ന ചിത്രത്തിനു ശേഷം റോജിന് തോമസ് സംവിധാനം ചെയ്യുന്ന ചിത്രം കൂടിയാണ് കത്തനാര്. വെര്ച്വല് പ്രൊഡക്ഷന് ഉള്പ്പെടെയുള്ള അതിനൂതനമായ സാങ്കേതികവിദ്യകള് ഉപയോഗിച്ച് ആണ് ഈ ചിത്രം ചിത്രീകരിച്ചിരിക്കുന്നത്.
ജയസൂര്യ ടൈറ്റില് വേഷം ചെയ്യുന്ന ചിത്രത്തില് തെലുങ്ക് സൂപ്പര് നായികാ താരം അനുഷ്ക ഷെട്ടി, തമിഴില് നിന്ന് പ്രഭുദേവ, സാന്ഡി മാസ്റ്റര്, കുല്പ്രീത് യാദവ്, ഹരീഷ് ഉത്തമന്, നിതീഷ് ഭരദ്വാജ് (ഞാന് ഗന്ധര്വന് ഫെയിം), മലയാളത്തില് നിന്ന്
സനൂപ് സന്തോഷ്, വിനീത്, കോട്ടയം രമേശ്, ദേവിക സഞ്ജയ്, കിരണ് അരവിന്ദാക്ഷന് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മുപ്പതില് അധികം ഭാഷകളിലായി രണ്ട് ഭാ?ഗങ്ങളിലായാണ് ചിത്രം എത്തുന്നത്.
ഛായാഗ്രഹണം- നീല് ഡി കുഞ്ഞ, സംഗീതം- രാഹുല് സുബ്രഹ്മണ്യന് ഉണ്ണി, എഡിറ്റിംഗ് – റോജിന് തോമസ്, പ്രൊഡക്ഷന് ഡിസൈന് – രാജീവന്, ആക്ഷന്- ജംഗ്ജിന് പാര്ക്ക്, കലൈ കിങ്സണ്, വിഎഫ്എക്സ് സൂപ്പര്വൈസര് – വിഷ്ണു രാജ്, വിര്ച്വല് പ്രൊഡക്ഷന് ഹെഡ് – സെന്തില് നാഥ്, കലാ സംവിധാനം – അജി കുട്ടിയാനി, രാം പ്രസാദ്, പ്രൊഡക്ഷന് കണ്ട്രോളര് – സിദ്ധു പനക്കല്, പിആര്ഒ – ശബരി, വാഴൂര് ജോസ്.
