കോഴിക്കോട്: എരഞ്ഞിപ്പാലത്ത് ആണ്സുഹൃത്തിന്റെ വീട്ടില് പെണ്കുട്ടിആത്മഹത്യചെയതതുമായി ബന്ധപ്പെട്ട കേസില് പ്രതി ബഷീറുദീനെ പൊലീസ് കസ്റ്റഡിയില് വാങ്ങും. ഓണം കഴിഞ്ഞ് കസ്റ്റഡി അപേക്ഷ സമര്പ്പിക്കാനാണ് പൊലീസ് തീരുമാനം. ആയിഷ റഷയുടെ ആണ് സുഹൃത്തായ ബഷീറുദീനെ ആത്മഹത്യാ പ്രേരണ കുറ്റംചുമത്തി ഇന്നലയാണ് അറസ്റ്റ് ചെയ്തത്.
പ്രതി ബഷീറുദീനെതിരെ സുഹൃത്തുക്കളുടെ മൊഴി നിര്ണ്ണായകമാണ്. പെണ്കുട്ടിയെ ആണ് സുഹൃത്ത് ശാരീരികമായി ഉപദ്രവിച്ചിരുന്നു എന്ന് പെണ്കുട്ടിയുടെ സുഹൃത്തുക്കളുടെ മൊഴി. വീട്ടുപകരണങ്ങള് കൊണ്ട് കാല്മുട്ടുകള്ക്ക് അടിച്ചു, ചാര്ജര് കേബിള് ഉപയോഗിച്ചു ഉപദ്രവിച്ചിരുന്നു എന്നും മൊഴി നല്കിയിരുന്നു. കഴിഞ്ഞ ഞായറാഴ്ചയാണ് പെണ്കുട്ടിയെ ആണ് സുഹൃത്തിന്റെ വാടകവീട്ടില് ആത്മഹത്യ ചെയ്ത നിലയില് കണ്ടെത്തിയത്.
ആയിഷ ബഷീറുദ്ദീന് അയച്ച വാട്സ്ആപ് ചാറ്റ് പൊലീസ് കണ്ടെത്തിയിരുന്നു. എന്റെ മരണത്തിന് കാരണം നീ ആയിരിക്കും എന്നായിരുന്നു സന്ദേശം. എന്റെ സമാധാനം ഇല്ലാതാക്കി മാനസികമായി നീ എന്നെ തകര്ക്കാന് നോക്കിയെന്നും പെണ്കുട്ടി അയച്ച വാട്സ്ആപ്പ് സന്ദേശത്തില് പറയുന്നു. രണ്ടു വര്ഷമായി ഇരുവരും അടുപ്പത്തിലായിരുന്നു.
