പാലക്കാട്: എംഎല്എ രാഹുല് മാങ്കൂട്ടത്തില് കുറേക്കൂടി ശ്രദ്ധ പുലര്ത്തണമായിരുന്നെന്ന് നടനും സംവിധായകനുമായ രമേശ് പിഷാരടി. എംഎല്എക്കെതിരെ ലൈംഗികാരോപണങ്ങള് ഉയര്ന്ന സാഹചര്യത്തിലാണ് കോണ്ഗ്രസ് അനുഭാവി കൂടിയായ രമേഷിന്റെ പ്രതികരണം. എന്നാല്, ആരോപണങ്ങള് തെളിയും രാഹുലിനെ സ്ഥാനങ്ങളില് നിന്നും നീക്കേണ്ട കാര്യമില്ലെന്നും അദ്ദേഹം അഭിപ്രായപ്പെട്ടു. പ്രതിഷേധങ്ങള് സ്വാഭാവികമായി ഉണ്ടാകും. വിധി വരട്ടെയെന്ന് പറയാന് രാഹുലിന്റെ വിഷയത്തില് ഒരു പരാതി പോലുമില്ലെന്നും രമേഷ് പിഷാരടി ന്യായീകരിച്ചു.
ഈ വിഷയത്തില് ഷാഫി പറമ്പിലിന് എതിരായ വിമര്ശനങ്ങളും സ്വാഭാവികമാണ്. രാഹുലിന്റെ സുഹൃത്ത് ആയതിനാല് ഇത്തരം വിമര്ശനങ്ങള് ഉണ്ടാകും. ആരോപണങ്ങള് ഉയര്ന്നതിന് പിന്നാലെ രാഹുലിനെ ഫോണില് ബന്ധപ്പെട്ടിരുന്നു. ഉമ്മന്ചാണ്ടിക്കെതിരെയും ആരോപണങ്ങള് ഉയര്ന്നപ്പോള് രണ്ടര വര്ഷം പല രീതിയില് പ്രതിഷേധങ്ങളുണ്ടായെന്നും രമേഷ് പിഷാരടി കൂട്ടിച്ചേര്ത്തു.
