കുവൈത്ത്: കുവൈത്ത് മുനിസിപ്പാലിറ്റിയുടെ പുതിയ ഷുവൈഖ് ബീച്ച് പ്രോജക്റ്റ് അടുത്ത ബുധനാഴ്ച, ഒക്ടോബർ 1-ന് ഔദ്യോഗികമായി ഉദ്ഘാടനം ചെയ്യാനൊരുങ്ങുന്നു. നാഷണൽ ബാങ്ക് ഓഫ് കുവൈത്തിൽ നിന്ന് ലഭിച്ച 30 ലക്ഷം കുവൈത്തി ദിനാർ സഹായധനത്തോടെ ആരംഭിച്ച ഈ പദ്ധതി 1.7 കിലോമീറ്റർ ദൈർഘ്യമുള്ള തീരവശത്താണ് വ്യാപിച്ചു കിടക്കുന്നത്.
പരിസ്ഥിതി സംരക്ഷണം, ആരോഗ്യ പ്രോത്സാഹനം, കായിക പ്രവർത്തനങ്ങൾ, വിനോദം എന്നിവയെ മുൻനിർത്തിയാണ് ഷുവൈഖ് വാട്ടർഫ്രണ്ട് ആധുനിക സൗകര്യങ്ങളോടെ വികസിപ്പിക്കുന്നതെന്ന് അധികൃതർ അറിയിച്ചു. പദ്ധതിയിൽ നാലു സോണുകൾ ഉൾപ്പെടുത്തിയിട്ടുണ്ട്, ഇവരിൽ ഓരോന്നും വിവിധ വിനോദ പ്രവർത്തനങ്ങൾക്കും പൊതുജനങ്ങളുടെ സൗകര്യത്തിനും പ്രത്യേകമായി രൂപകൽപ്പന ചെയ്തതാണ്.
കുവൈത്ത് നഗരത്തിലെ പ്രധാന വാട്ടർഫ്രണ്ട് മേഖലകളിലൊന്നായ ഷുവൈഖ് ബീച്ച്, പൊതുജനങ്ങൾക്ക് വിനോദം, കായിക പ്രവർത്തനങ്ങൾ, കുടുംബ സഞ്ചാര സൗകര്യങ്ങൾ എന്നിവയ്ക്കായി മികച്ച ഇടമായി മാറുമെന്ന പ്രതീക്ഷയാണ്.
