കണ്ണൂർ: പയ്യന്നൂർ ഏറ്റുകുടുക്കയിലെ ബൂത്ത് ലെവൽ ഓഫീസർ അനീഷ് ജോർജിന്റെ ആത്മഹത്യയ്ക്ക് കാരണം തന്റെ ജോലി സംബന്ധമായ സമ്മർദ്ദം മാത്രമാണെന്ന് കുടുംബം വ്യക്തമാക്കി. മകൻ കഴിഞ്ഞ കുറെ ദിവസങ്ങളായി എസ്.ഐ.ആർ-സംബന്ധമായ ടെൻഷനിൽ ആയിരുന്നെന്നും, എതിരാളികളോ സമൂഹത്തിനോ യാതൊരു ബാധ്യതയുമില്ലെന്നും അനീഷിന്റെ പിതാവ് പറഞ്ഞു.

ഇന്ന് രാവിലെ 11 മണിയോടെയാണ് അനീഷിനെ ജീവനൊടുക്കിയ നിലയിൽ കണ്ടെത്തിയത്. കുന്നൂർ എ.യു.പി. സ്കൂളിലെ പ്യൂൺ ആയ അനീഷ് വീട്ടിലെ കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തിയതായി പൊലീസ് പറഞ്ഞു. വ്യക്തിപരമായ മറ്റു പ്രശ്‌നങ്ങൾ ഇല്ലെന്ന് കുടുംബം വ്യക്തമാക്കി.