തൃശ്ശൂർ : മാളയിൽ പോസ്റ്റ് ഓഫീസ് കെട്ടിടത്തിന് തീപിടിച്ചു. ഓഫീസിലെ നിരവധി ഫയലുകളും രേഖകളും കത്തി നശിച്ചു. ഒഴിവായത് വലിയ ദുരന്തം. ഫർണിച്ചറുകൾക്കും വൈദ്യുതി ഉപകരണങ്ങൾക്കും സാരമായ കേടുപാടുകൾ സംഭവിച്ചു. ഷോർട്ട് സർക്യൂട്ടാണ് തീപിടുത്തത്തിന് കാരണമെനാണ് പ്രാഥമിക നിഗമനം. വെള്ളിയാഴച രാവിലെ അഞ്ചരയോടെയാണ് തീപിടുത്തമുണ്ടായത്.
ഇതുവഴി നടക്കാനിറങ്ങിയവരാണ് തീ പിടുത്തം കാണുന്നത്. ഇതിനെ തുടർന്ന് മാള അഗ്നിരക്ഷാസേനയാണ് തീ അണച്ചത്. സമീപത്തെ മറ്റ് വ്യാപാരസ്ഥാപനങ്ങളിലേക്ക് തീ പടരാതിരുന്നത് ആശ്വാസമായി. മാള ടൗണിൽ സ്ഥിതിചെയ്യുന്ന പോസ്റ്റോഫീസ് കെട്ടിടം നേരത്തെ ഇവിടെ ഉണ്ടായിരുന്ന ജൂത അവശേഷിപ്പുകളിൽ ഒന്നാണ്. കെട്ടിടത്തിന്റെ കാലപ്പഴക്കവും സമീപത്തെ മരങ്ങളിൽ നിന്നും കരിയിലകൾ ധാരാളം കെട്ടിടത്തിന് മുകളിൽ വീണു കിടന്നിരുന്നതും തീ ആളി പടരാൻ കാരണമായി പഴയ ഓടിട്ട കെട്ടിടത്തിലാണ പോസ്റ്റ് ഓഫീസ് പ്രവർത്തിക്കുന്നത്.
