തിരുവനന്തപുരം: നടന് കൃഷ്ണകുമാറിന്റെ മകള് ദിയ കൃഷ്ണയുടെ സ്ഥാപനത്തിലെ സാമ്പത്തിക തട്ടിപ്പില് ക്രൈം ബ്രാഞ്ച് കുറ്റപത്രം സമര്പ്പിച്ചു.
66 ലക്ഷം രൂപ തട്ടിയെടുത്തെന്ന് ക്രൈംബ്രാഞ്ച് വ്യക്തമാക്കി. മൂന്ന് ജീവനക്കാരികളടക്കം നാല് പേരെ പ്രതിചേര്ത്ത കുറ്റപത്രമാണ് സമര്പ്പിച്ചിരിക്കുന്നത്.
ജീവനക്കാരികളായ വിനീത,ദിവ്യ, രാധാകുമാരി എന്നിവര് പ്രതികള്. വിനീതയുടെ ഭര്ത്താവ് ആദര്ശിനെയും പ്രതിചേര്ത്തു.
ക്യു ആര് കോഡ് ഉപയോഗിച്ചാണ് മൂവരും തട്ടിപ്പ് നടത്തിയതെന്നും, തട്ടിയെടുത്ത പണം കൊണ്ട് സ്വര്ണവും വാഹനങ്ങളും വാങ്ങിയെന്നും കുറ്റപത്രത്തില് പറയുന്നു.
പ്രതികള് ആഡംബര ജീവിതത്തിനായി പണം ഉപയോഗിച്ചുവെന്നാണ് പൊലീസ് കണ്ടെത്തല്.
കൃഷ്ണകുമാര് ജീവനക്കാരികളെ തട്ടികൊണ്ടുപോയെന്ന കേസിലും അന്വേഷണം അന്തിമഘട്ടത്തിലാണ്.
ജീവനക്കാരികളാണ് കൃഷ്ണകുമാറിനെതിരെ എതിര് പരാതി നല്കിയത്. എന്നാല് ആ പരാതിയില് കഴമ്പില്ലെന്നാണ് പൊലീസ് പറയുന്നത്.
വിശ്വാസ വഞ്ചന, മോഷണം, കൈവശപ്പെടുത്തല്, ചതി എന്നിവയാണ് ഇവര്ക്കെതിരെ ചുമത്തിയിരിക്കുന്ന കുറ്റങ്ങള്. രണ്ടു വര്ഷം കൊണ്ടാണ് പണം തട്ടിയെടുത്തത്.
