തൃശ്ശൂർ : എരുമപ്പെട്ടി തിപ്പല്ലൂർ ചിറ്റിലപ്പിള്ളി വീട്ടിൽ പരേതനായ സേവിയാറിന്റെ മകൻ സനു നിര്യാതനായി. കഴിഞ്ഞ ചൊവ്വാഴ്ച പുലർച്ചെയാണ് ബാംഗ്ലൂരിലെ കുളിമുറിയിൽ സനു വഴുതി വീണ് ഗുരുതരമായി പരിക്കേറ്റ് ആശുപത്രിയിൽ പ്രവേശിപ്പിച്ചത്. ചികിത്സയിൽ തുടരുന്നതിനിടെ ഇന്നലെ രാത്രിയോടെയായിരുന്നു മരണം സംഭവിച്ചത്. പിതാവ് സേവിയാർ മരണപ്പെട്ടതിനെ തുടർന്ന് കഴിഞ്ഞയാഴ്ച സനു നാട്ടിൽ എത്തിയിരുന്നു. എം.ബി.എ പഠനം തുടരുകയായിരുന്നുവെന്ന് കുടുംബം അറിയിച്ചു.