മലപ്പുറം: സ്കൂട്ടറില് ടിപ്പര് ലോറിയിടിച്ച് അധ്യാപിക മരിച്ചു. മലപ്പുറം കുരുവമ്പലം കൊളത്തൂര് നാഷനല് എല്പി സ്കൂളിലെ അറബി അധ്യാപിക നഫീസ ആണ് മരിച്ചത്.
ഇന്നലെ വൈകിട്ട് 4.30 ഓടെ സ്കൂള് വിട്ട് സ്കൂട്ടിയില് വീട്ടിലേക്ക് മടങ്ങുമ്പോഴാണ് അപകടം സംഭവിച്ചത്.
വീട്ടിലേക്ക് മടങ്ങവെ ഇതേ ദിശയില് സഞ്ചരിക്കുകയായിരുന്ന നഫീസയുടെ വാഹനത്തെ മറികടക്കാന് ടിപ്പര് ലോറി ശ്രമിക്കുന്നതിനിടെയാണ് അപകടമുണ്ടായത്. ലോറിയുടെ മുന്ഭാഗം വാഹനത്തില് തട്ടി.
ഈ സമയം ഇരുചക്ര വാഹനത്തില് നിന്നും നഫീസ ടീച്ചര് ലോറിക്കടിയിലേക്കു തെറിച്ചു വീഴുകയായിരുന്നു. ടിപ്പര് ലോറി അമിത വേഗത്തിലായിരുന്നുവെന്നാണ് കണ്ടു നിന്ന നാട്ടുകാര് പറയുന്നത്.
