പാലക്കാട്: വടക്കഞ്ചേരി ഗ്രാമപഞ്ചായത്തിന്റെ ചരിത്രത്തിൽ ആദ്യമായി ബിജെപി അക്കൗണ്ട് തുറന്നു. തദ്ദേശ സ്വയംഭരണ തെരഞ്ഞെടുപ്പിൽ ബിജെപി സ്ഥാനാർത്ഥികൾ മൂന്ന് വാർഡുകളിൽ വിജയം കൈവരിച്ചതോടെയാണ് പഞ്ചായത്തിൽ താമര വിരിഞ്ഞത്.

രണ്ടാം വാർഡ് ചെറുകണ്ണമ്പ്രയിൽ സുനിൽ വി, പത്താം വാർഡ് മിച്ചാരംകോട് അരുണരാജ് ആർ, 22-ാം വാർഡ് കൊളക്കോട് ഗംഗാധരൻ പി എന്നിവരാണ് ബിജെപിയുടെ വിജയിച്ച സ്ഥാനാർത്ഥികൾ. ഇതോടെ വടക്കഞ്ചേരി ഗ്രാമപഞ്ചായത്തിൽ ബിജെപി സാന്നിധ്യം ആദ്യമായി ഉറപ്പിക്കപ്പെടുകയായിരുന്നു.

പ്രാദേശിക രാഷ്ട്രീയത്തിൽ ശ്രദ്ധേയമായ മാറ്റമായാണ് ഈ വിജയം വിലയിരുത്തപ്പെടുന്നത്. ബിജെപിയുടെ ഈ മുന്നേറ്റം വരാനിരിക്കുന്ന രാഷ്ട്രീയ സാഹചര്യങ്ങളിൽ നിർണായക സ്വാധീനം ചെലുത്തുമെന്നാണ് വിലയിരുത്തൽ.