മലപ്പുറം: ഓവുങ്ങലിലെ മുസ്ലിം ലീഗ് – കെ എം സി സി ആസ്ഥാന മന്ദിരമായ പി പി മമ്മി ഹാജി – പി പി ഖാദർ ബാവ സ്മാരക സൗധത്തിൽ എസ് ഐ ആർ ലിസ്റ്റിൽ പേര് ചേർക്കാൻ പൊതുജനങ്ങൾക്ക് സൗകര്യമൊരുക്കിയത് പ്രദേശവാസികൾക്ക് ആശ്വാസമായി. ഓവുങ്ങൽ മേഖല മുസ്ലിം ലീഗ് കമ്മിറ്റി അവധി ദിവസമായ ഞായറാഴ്ച ഒരുക്കിയ ഈ സേവനം വിദ്യാർത്ഥികൾക്കും പൊതുജനങ്ങൾക്കും ഏറെ പ്രയോജനകരമായി.
സ്ത്രീകൾ ഉൾപ്പെടെ നിരവധി പേരാണ് ഈ അവസരം ഉപയോഗപ്പെടുത്തിയത് . ചെറിയമുണ്ടം ഗ്രാമ പഞ്ചായത്ത് അംഗങ്ങളായ യൂസഫ് കല്ലേരി, ടി റഷീബ റഹീം , ചെറിയമുണ്ടം പഞ്ചായത്ത് മുസ്ലിംലീഗ് സെക്രട്ടറി എം എ റഫീഖ് , വാർഡ് മുസ്ലിം ലീഗ് സെക്രട്ടറി പി. ആഷിഖ് , ചെറിയമുണ്ടം പഞ്ചായത്ത് എം എസ് എഫ് ഭാരവാഹി സി.പി അൻസിൽ എന്നിവർ ക്യാമ്പിന് നേതൃത്വം നൽകി. ഹക്കീം ബംഗ്ലാവ് കുന്ന് , ആസിഫ് മഹബൂബ് , മുഹമ്മദ് ഷാൻ എന്നിവരാണ് എസ് ഐ ആർ ക്യാമ്പിന് സാങ്കേതിക സഹായികളായി ഉണ്ടായിരുന്നത്. മാസങ്ങൾക്ക് മുമ്പ് എസ് ഐ ആർ വിഷയത്തിൽ ആദ്യമായി ബോധവൽക്കരണ ക്ലാസ് സംഘടിപ്പിച്ചതും ഫോറം പൂരിപ്പിക്കാൻ ഹെൽപ്പ് ഡെസ്ക് ഒരുക്കിയതും ഓവുങ്ങൽ മേഖലാ മുസ്ലിം ലീഗ് കമ്മിറ്റിയായിരുന്നു.
