തിരുവനന്തപുരം: തിരുവനന്തപുരം മെഡിക്കൽ കോളേജിലെ മുൻ സൂപ്രണ്ടിനെതിരായ ലൈംഗിക പീഡന പരാതി ഹണി ട്രാപ്പ് എന്ന് ഡോ. സുനിൽകുമാറിന്റെ ഭാര്യ. പണത്തിനും ഫ്ലാറ്റിനുമായി യുവതി ചതിയുകയായിരുന്നു എന്നാണ് ഡോക്ടറുടെ ഭാര്യയുടെ പരാതി. 500 രൂപ ഗൂഗിൾ പേ വഴി അയച്ചതിലൂടെ പരിചയം ആരംഭിച്ചതാണെന്നും, പിന്നീട് കുടുംബ പ്രശ്നങ്ങൾ പറഞ്ഞ് യുവതി അടുത്തുവന്നതായും, പിന്നീട് ഭീഷണിയായി മാറിയെന്നും, ഫ്ലാറ്റ് വേണമെന്ന് ആവശ്യപ്പെട്ടപ്പോൾ ലൈംഗിക പീഡന പരാതിയായി മാറിയെന്നും അവർ പറഞ്ഞു.
യുവതി നെയ്യാറ്റിൻകര സ്വദേശിനിയാണെന്നും, വനിത കമ്മീഷനിൽ പരാതിയോടെ പ്രശ്നം തുടക്കത്തിൽ കൗൺസലിങ് വഴി പരിഹരിച്ചതായും ഡോ. സുനിൽകുമാറിന്റെ ഭാര്യ പറഞ്ഞു. ഡോ. സുനിൽകുമാറും യുവതിക്കെതിരെ പരാതി കൊടുത്തു. ഇരു കക്ഷികളുടെയും പരാതികളുടെയും അടിസ്ഥാനത്തിൽ പോലീസ് വിശദമായ അന്വേഷണം നടത്തുകയാണ്. നിലവിൽ ഡോ. സുനിൽകുമാർ മെഡിക്കൽ കോളേജിലെ ന്യൂറോ സർജറി വിഭാഗത്തിലെ യൂണിറ്റ് ചീഫായിരുന്നെങ്കിലും അവധിയിലാണ്.
