കണ്ണൂർ: മുഖ്യമന്ത്രി പിണറായി വിജയൻ നാമനിർദേശ പത്രിക സമർപ്പിച്ചു. തലശ്ശേരി സബ് റജിസ്ട്രാർ ഓഫിസിൽ എത്തിയാണ് പത്രിക സമർപ്പിച്ചത്. ധർമടം മണ്ഡലത്തിലെ ആദ്യത്തെ പത്രിക സമർപ്പണം നടത്തിയത് പിണറായി വിജയനാണ്. റിട്ടേണിങ് ഓഫിസർ സച്ചിൻ കൃഷ്ണയ്ക്കാണ് പത്രിക സമർപ്പിച്ചത്.
പിണറായിയിൽ നിന്ന് വാഹനപ്രചാരണമായി സബ് റജിസ്ട്രാർ ഓഫിസിലെത്തി പത്രിക സമർപ്പിക്കാനായിരുന്നു തീരുമാനമെങ്കിലും വാഹന പ്രചാരണം ഒഴിവാക്കി നേരിട്ട് റജിസ്ട്രാർ ഓഫിസിലേക്ക് എത്തുകയായിരുന്നു. സ്പീക്കർ എ.എൻ. ഷംസീർ, സിപിഎം കേന്ദ്ര കമ്മിറ്റി അംഗം ഇ.പി. ജയരാജൻ, ജില്ലാ സെക്രട്ടറി കെ.കെ. രാഗേഷ്, പി. ശശി തുടങ്ങിയ നേതാക്കൻമാർ ഒപ്പമുണ്ടായിരുന്നു. ‘പറയാനുണ്ട്, പിന്നെപ്പറയാം’ എന്നാണ് മാധ്യമ പ്രവർത്തകരോട് പ്രതികരിച്ചത്.
