തിരുവനന്തപുരം: കേരളത്തിലെ റേഷന് ഉപഭോക്താക്കള്ക്ക് ഈ മാസത്തെ റേഷന് വിഹിതം നാളെ മുതല് ലഭിക്കും. പെസഹ വ്യാഴം, ദുഃഖ വെള്ളി അവധികള്ക്ക് ശേഷം ശനിയാഴ്ചയാണ് റേഷന് കടകള് തുറക്കുന്നത്. പശ്ചിമേഷ്യന് സംഘര്ഷത്തിന്റെ സാഹചര്യത്തില് ഏപ്രില് മാസത്തെ റേഷന് വിഹിതത്തിനൊപ്പം, മെയ് മാസത്തെ റേഷനും മുന്കൂറായി വാങ്ങാവുന്നതാണ്.
ഏപ്രില് 4 മുതല് 30 വരെ ഏപ്രിലിലേയും മെയ് മാസത്തേയും വിഹിതം ഒരുമിച്ച് വാങ്ങാമെന്ന് സിവില് സപ്ലൈസ് വകുപ്പ് അറിയിച്ചു. കൂടാതെ മണ്ണെണ്ണയും, ലഭ്യതയ്ക്ക് അനുസരിച്ച് ആട്ടയും ഉപഭോക്താക്കള്ക്ക് ലഭിക്കും. ഏപ്രില്-മെയ്-ജൂണ് ക്വാര്ട്ടറില്, വൈദ്യുതി ഉള്ള വീടുകളിലെ AAY കാര്ഡിന് ആകെ 1 ലിറ്റര് മണ്ണെണ്ണയും, PHH, NPS, NPNS കാര്ഡുകള്ക്ക് ആകെ 0.5 ലിറ്റര് മണ്ണെണ്ണയും, വൈദ്യുതി ഇല്ലാത്ത വീടുകളിലെ കാര്ഡുകള്ക്ക് ആകെ 6 ലിറ്റര് മണ്ണെണ്ണയും ലഭിക്കുന്നതാണ്.
