തിരുവനന്തപുരം: കേന്ദ്രമന്ത്രി എസ് ജയശങ്കര് പങ്കെടുത്ത തെരഞ്ഞെടുപ്പ് പരിപാടിയില് പേര് പരാമര്ശിക്കാത്തതില് പ്രകോപിതയായി വേദിയില് നിന്നും ഇറങ്ങിപ്പോയി വട്ടിയൂര്ക്കാവിലെ എന്ഡിഎ സ്ഥാനാര്ഥി ആര് ശ്രീലേഖ. ബിജെപി സംസ്ഥാന അധ്യക്ഷനും നേമത്തെ എന്ഡിഎ സ്ഥാനാര്ഥിയായ രാജീവ് ചന്ദ്രശേഖരന്റെ പേരുമാത്രമാണ് മന്ത്രി പരാമര്ശിച്ചത്. ഇതാണ് ശ്രീലേഖയെ ചൊടിപ്പിച്ചത്.
പിന്നീട് നേതാക്കള് അനുനയിപ്പിച്ച് ശ്രീലേഖയെ തിരികെ വേദിയില് എത്തിക്കുകയായിരുന്നു. മണ്ഡലത്തിലെ തെരഞ്ഞെടുപ്പ് പരിപാടിക്കായാണ് കേന്ദ്രമന്ത്രിയെത്തിയത്. അവിടുത്തെ സ്ഥാനാര്ഥിയായ തന്റെ പേര് പരാമര്ശിക്കാതെ സമീപ മണ്ഡലത്തിലെ സ്ഥാനാര്ഥിയുടെ പേര് മാത്രം കേന്ദ്രമന്ത്രി പരാമര്ശിച്ചതാണ് ശ്രീലേഖയെ ചൊടിപ്പിച്ചത്. വേദിയിലുണ്ടായിരുന്ന രാജീവ് ചന്ദ്രശേഖരനോടും മേയര് വിവി രാജേഷിനോടും തന്റെ അതൃപ്തി അറിയിക്കുകയും ചെയ്തു.
