ന്യൂഡല്ഹി: ഡാറ്റ ഇല്ലാതെ വെറും കോളിങും എസ്എംഎസ് സൗകര്യവും മാത്രമുള്ള നിരക്ക് കുറഞ്ഞ മൊബൈല് പ്ലാനുകള് വരുന്നു. ഈ പ്ലാനുകള് പുറത്തിറക്കാന് ടെലികോം ഓപ്പറേറ്റര്മാര്ക്ക് നിര്ദ്ദേശം നല്കണമെന്ന ശുപാര്ശയുമായി ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്). നിലവില് ലഭ്യമായ സ്പെഷ്യല് താരിഫ് വൗച്ചറുകളില് ഡാറ്റ കൂടി ഉള്പ്പെടുന്ന സാഹചര്യത്തിലാണ് ട്രായ് ഇങ്ങനെയൊരു മാറ്റം നിര്ദ്ദേശിച്ചത്.
ഈ ഭേദഗതി സുതാര്യത വര്ദ്ധിപ്പിക്കുമെന്നും ആവശ്യമില്ലാത്ത ഡാറ്റാ സേവനങ്ങള്ക്ക് പണം നല്കാന് ഉപഭോക്താക്കള് നിര്ബന്ധിതരാകുന്നത് ഒഴിവാക്കാന് സഹായിക്കുമെന്നും റെഗുലേറ്റര് പറഞ്ഞു. ഡാറ്റ ആവശ്യമില്ലാത്ത ഉപഭോക്താക്കള്ക്ക് ഇത് വലിയ ഗുണമാകും. ഈ നിര്ദ്ദേശത്തിന്മേല് ട്രായ് പൊതുജനങ്ങളുടെ അഭിപ്രായം തേടിയിട്ടുണ്ട്.
