ചെന്നൈ: വിജയ് നായകനായ ‘ജനനായകൻ’ സിനിമ ചോർന്ന സംഭവത്തിൽ പ്രതികരിച്ച് കമൽഹാസൻ. ചോർച്ച യാദൃച്ഛികമല്ലെന്നും ഇത് വ്യവസ്ഥിതിയുടെ പരാജയമാണെന്നും അദ്ദേഹം ആരോപിച്ചു. സിനിമയ്ക്ക് പ്രദർശനാനുമതി നൽകുന്നതിൽ ഉണ്ടായ വലിയ വൈകിയാണ് പൈറസിക്ക് കാരണമായതെന്ന് കമൽഹാസൻ പറഞ്ഞു. നിയമ നടപടികൾ സമയത്ത് പൂർത്തിയായിരുന്നെങ്കിൽ ഇത്തരം സംഭവം സംഭവിക്കില്ലായിരുന്നുവെന്നും അദ്ദേഹം സോഷ്യൽ മീഡിയയിൽ കുറിച്ചു.

“പൈറസി രാഷ്ട്രീയത്തിന് അതീതമാണ്. ഇത് കലയ്ക്കും കലാകാരന്മാർക്കും നേരെയുള്ള ആക്രമണമാണ്. നൂറുകണക്കിന് കലാകാരന്മാരുടെയും സാങ്കേതികപ്രവർത്തകരുടെയും തൊഴിലും നിർമ്മാതാക്കളുടെയും നിക്ഷേപവും ഇതിലൂടെ ബാധിക്കപ്പെടുന്നു,” എന്നും അദ്ദേഹം വ്യക്തമാക്കി.

സിനിമ പ്രേമികൾ നിയമപരമായി തിയേറ്ററുകളിൽ സിനിമ കണ്ട് പിന്തുണ നൽകണമെന്ന് കമൽഹാസൻ അഭ്യർത്ഥിച്ചു. വേഗത്തിലുള്ള സർട്ടിഫിക്കേഷനും കർശനമായ നിയമനടപടികളും അനിവാര്യമാണെന്നും അദ്ദേഹം കൂട്ടിച്ചേർത്തു.

ജന നായകൻ ജനുവരി 9-ന് റിലീസ് ചെയ്യാനിരുന്നെങ്കിലും സെൻസർ ബോർഡിന്റെ അനുമതി ലഭിക്കാത്തതിനെ തുടർന്ന് മൂന്ന് മാസമായി വൈകുകയാണ്. എച്ച് വിനോദ് സംവിധാനം ചെയ്യുന്ന ചിത്രത്തിൽ പൂജ ഹെഗ്‌ഡെ, ബോബി ഡിയോൾ, മമിത ബൈജു, പ്രകാശ് രാജ് എന്നിവർ പ്രധാന വേഷങ്ങളിൽ അഭിനയിക്കുന്നു.