തിരുവനന്തപുരം: നിയമസഭാ തെരഞ്ഞെടുപ്പ് ഫലം വരാന് ഇനിയും ആഴ്ച്ചകളോളം ഉണ്ടെന്നിരിക്കെ കോണ്ഗ്രസിലെ മുഖ്യമന്ത്രി ചര്ച്ചകള് തളളി എഐസിസി ജനറല് സെക്രട്ടറി കെ സി വേണുഗോപാല്. നാലാം തിയതി ഫലം വരുന്നത് വരെ എല്ലാവരും കാത്തിരിക്കണമെന്ന് കെ സി വേണുഗോപാല് പറഞ്ഞു.
കോണ്ഗ്രസിന് ഒരു സിസ്റ്റവും നേതാക്കളുമുണ്ട്. എല്ലാവരും കൂടിയാലോചിച്ച് തീരുമാനമെടുക്കും. വിഷയം പൊതുജനമധ്യത്തില് ചര്ച്ച ചെയ്യേണ്ടതല്ലെന്നും ജനങ്ങള് യുഡിഎഫിന് അനുകൂലമായി വിധിയെഴുതിയിട്ടുണ്ടെന്നാണ് ഉറച്ച വിശ്വാസമെന്നും അദ്ദേഹം പറഞ്ഞു. കെ സുധാകരന് അദ്ദേഹത്തിന്റെ അഭിപ്രായം പറയാന് സ്വാതന്ത്ര്യം ഉണ്ടെന്നും കെസി പ്രതികരിച്ചു.
