നാരങ്ങയും ഉപ്പും വെള്ളവും ചേര്ത്ത പാനീയം വീട്ടില് തന്നെ എളുപ്പത്തില് തയ്യാറാക്കി കുടിക്കാവുന്നതാണ്. ഉച്ചസമയത്തെ കടുത്ത ചൂടില് ശരീരത്തിന് തണുപ്പേകാനും ആന്തരിക വ്യവസ്ഥയെ ശാന്തമാക്കാനും മോര് കുടിക്കാം.
ഹെര്ബല് കഷായങ്ങള് ഈ വേനല്ക്കാലത്ത് ഒഴിവാക്കണമെന്ന് വിദഗ്ധര് മുന്നറിയിപ്പ് നല്കുന്നു. ഇത്തരം കഷായങ്ങള് ശരീരത്തിനുള്ളില് ചൂട് വര്ദ്ധിപ്പിക്കാന് കാരണമാകും. ഇത് അസിഡിറ്റിക്കും നിര്ജ്ജലീകരണത്തിനും വഴിവെച്ചേക്കാം. ഏപ്രില് മാസത്തെ ഈ ചൂടില് ശരീരതാപനില കൃത്യമായി നിലനിര്ത്തുന്ന തണുത്ത പാനീയങ്ങള് മാത്രം തിരഞ്ഞെടുക്കുക.
ധാരാളം വെള്ളം കുടിക്കുക എന്നതാണ് ഏറ്റവും മികച്ച പ്രതിരോധം. ഉപ്പും പഞ്ചസാരയും ചേര്ന്ന പാനീയങ്ങളും ഫ്രഷ് ഫ്രൂട്ട് ജ്യൂസുകളും ശീലമാക്കുന്നത് ആന്തരികാവയവങ്ങളുടെ ആരോഗ്യത്തിന് നല്ലതാണ്.
പെട്ടെന്ന് ഊര്ജ്ജം ലഭിക്കാനും വിറ്റാമിന് സി ഉറപ്പാക്കാനും നാരങ്ങാവെള്ളം സഹായിക്കും. നാരങ്ങാനീരും ഇന്തുപ്പും വറുത്ത ജീരകവും ചേരുന്ന ഈ പാനീയം ദഹനത്തിനും ഏറെ നല്ലതാണ്.
വേനല്ക്കാലത്തെ ഉഷ്ണക്കാറ്റില് നിന്ന് ശരീരത്തെ സംരക്ഷിക്കാന് പച്ചമാങ്ങ ജ്യൂസ് സഹായിക്കും. ഇത് ശരീരത്തിലെ ലവണാംശം നിലനിര്ത്തുകയും തണുപ്പ് നല്കുകയും ചെയ്യുന്നു.
