കൊൽക്കത്ത: പശ്ചിമ ബംഗാളിലെ മൂർഷിദാബാദ് ജില്ലയിൽ ലെനിൻ പ്രതിമ തകർത്ത സംഭവത്തിൽ രാഷ്ട്രീയ വിവാദം ശക്തമാകുന്നു. സിപിഎം ആരോപിക്കുന്നത്, ബിജെപി പ്രവർത്തകരാണ് പ്രതിമ തകർത്തതെന്നാണ്. സംഭവത്തിൽ അഞ്ചുപേരെ പോലീസ് അറസ്റ്റ് ചെയ്തതായി പാർട്ടി അറിയിച്ചു.
ജിയാഗഞ്ച് മേഖലയിൽ മെയ് 5-ന് രാത്രിയിലാണ് സംഭവം നടന്നതെന്ന് സിപിഎം വ്യക്തമാക്കി. പ്രതിമയുടെ തല ഭാഗം തകർത്ത നിലയിലാണ് കണ്ടെത്തിയത്.

സംഭവത്തിന് പിന്നാലെ സിപിഎം പ്രവർത്തകർ പ്രതിഷേധ പ്രകടനം നടത്തി. പാർട്ടി പതാകകളുമായി നടത്തിയ പ്രതിഷേധത്തിന്റെ ദൃശ്യങ്ങളും സോഷ്യൽ മീഡിയയിൽ പങ്കുവെച്ചു. മെയ് 8-നകം തകർത്ത ലെനിൻ പ്രതിമ പുനർനിർമ്മിക്കുമെന്ന് സിപിഎം അറിയിച്ചു. സംഭവത്തിൽ പോലീസ് അന്വേഷണം തുടരുകയാണ്.