പാലക്കാട്: മുഖ്യമന്ത്രി വി ഡി സതീശനെ അപകീർത്തിപ്പെടുത്തുന്ന തരത്തിൽ ഒരു ഫോട്ടോ സമൂഹമാധ്യമത്തിൽ പ്രചരിപ്പിച്ചെന്ന പരാതിയിൽ കേസെടുത്തു പോലീസ്. ഒറ്റപ്പാലം സ്വദേശി കണ്ണിയംപുറം രാജനെതിരെയാണ് പോലീസ് കേസെടുത്തത്. ബ്ലോക്ക് കോൺഗ്രസ് പ്രസിഡന്റ് എൻ കെ ജയരാജന്റെ പരാതിയിൽ ഒറ്റപ്പാലം പൊലീസ് ഈ കേസ് രജിസ്റ്റർ ചെയ്തു.

കഴിഞ്ഞ മാസം 29-നാണ് പരാതിയിൽ പരാമർശിച്ച ഫേസ്ബുക്ക് പോസ്റ്റ് ഷെയർ ചെയ്തതെന്ന് പൊലീസ് പറയുന്നു. പരാതിയിൽ, ലഹളയും സാമൂഹ്യ വിദ്വേഷവും ഉണ്ടാക്കുക എന്ന ലക്ഷ്യത്തോടെ ഫോട്ടോ പങ്കുവെച്ചതാണ് കുറ്റമെന്നാണ് ഉന്നയിക്കുന്നത്.

കഴിഞ്ഞാഴ്ചയും മുഖ്യമന്ത്രി വി ഡി സതീശനെ അപമാനിക്കുന്ന ഫേസ്ബുക്ക് പോസ്റ്റ് ഷെയർ ചെയ്തതായി ആരോപിച്ച് ആറ്റിങ്ങൽ ഗവൺമെൻറ് ബോയ്സ് ഹയർ സെക്കൻഡറി സ്കൂളിലെ പ്രിൻസിപ്പൽ ജവാദിനെ പൊതുവിദ്യാഭ്യാസ വകുപ്പ് സസ്‌പെൻഡ് ചെയ്തിരുന്നു. യൂത്ത് കോൺഗ്രസ് നൽകിയ പരാതിയിലാണ് പ്രിൻസിപ്പലിനെതിരെ നടപടി ഉണ്ടായത്.