ന്യൂഡൽഹി: ജന്തർ മന്തറിൽ നടക്കുന്ന വിദ്യാർത്ഥി പ്രതിഷേധത്തിനിടെ വേദിയിലെത്തി രാജി പ്രഖ്യാപിച്ച ഉത്തരാഖണ്ഡ് പൊലീസ് കോൺസ്റ്റബിൾ ഷേർ സിംഗ് നേരത്തെ തന്നെ സസ്പെൻഷനിലായിരുന്നെന്ന് പൊലീസ് അറിയിച്ചു. യൂണിഫോം ധരിച്ചെത്തിയ ഷേർ സിംഗ് പ്രതിഷേധ വേദിയിൽ നിന്ന് താൻ സർവീസിൽ നിന്ന് രാജിവെക്കുകയാണെന്ന് പ്രഖ്യാപിച്ചിരുന്നു. ഇതിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയും വൈറലാകുകയും ചെയ്തു.
സംഭവത്തിന് പിന്നാലെയാണ് ഉത്തരാഖണ്ഡ് പൊലീസ് വിശദീകരണവുമായി രംഗത്തെത്തിയത്. ഷേർ സിംഗ് നിലവിൽ സസ്പെൻഷനിലായിരുന്നെന്നും അദ്ദേഹത്തെ സർവീസിൽ നിന്ന് പിരിച്ചുവിടുന്നതിനുള്ള നടപടികൾ പുരോഗമിക്കുകയായിരുന്നെന്നും പൊലീസ് അറിയിച്ചു.
അതേസമയം, പ്രതിഷേധ വേദിയിലെത്തി രാജി പ്രഖ്യാപിച്ച സംഭവമാണ് ഇപ്പോൾ ചർച്ചയായിരിക്കുന്നത്. സംഭവത്തിൽ കൂടുതൽ നടപടികൾ പൊലീസ് പരിശോധിച്ചുവരികയാണ്.
