തിരുവനന്തപുരം: സംസ്ഥാനത്ത് സ്വർണവിലയിൽ വീണ്ടും വർധന. ഇന്ന് രാവിലെ 22 കാരറ്റ് ഒരു ഗ്രാം സ്വർണത്തിന് 95 രൂപയാണ് വർധിച്ചത്. ഇതോടെ ഒരു ഗ്രാം സ്വർണത്തിന് 14,195 രൂപയും ഒരു പവൻ സ്വർണത്തിന് 1,13,560 രൂപയുമായി.

കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷന്റെ കണക്കുകൾ പ്രകാരമാണ് പുതിയ വില. ഇന്നലെ രാവിലെ ഒരു പവൻ സ്വർണത്തിന് 2,320 രൂപയോളം വർധിച്ചിരുന്നു. പിന്നീട് ഉച്ചയ്ക്ക് വില കുറഞ്ഞ് ഒരു പവന് 1,12,800 രൂപയിലെത്തിയിരുന്നു.

രാജ്യാന്തര വിപണിയിൽ സ്വർണവില ഉയർന്നതാണ് കേരളത്തിലും വില വർധിക്കാൻ പ്രധാന കാരണം. അതേസമയം സംസ്ഥാനത്ത് വെള്ളിവിലയിൽ മാറ്റമില്ല. ഒരു ഗ്രാം വെള്ളിക്ക് 255 രൂപയും 10 ഗ്രാം വെള്ളിക്ക് 2,550 രൂപയുമാണ് നിലവിലെ വില.