കൊല്ലം: കോടിയേരി ബാലകൃഷ്ണന്റെ ഫ്ലക്സ് ബോർഡ് നശിപ്പിച്ച സംഭവത്തിൽ വിശദീകരണവുമായി എസ്.എഫ്.ഐ കൊല്ലം ജില്ലാ കമ്മിറ്റി. ഫ്ലക്സ് നശിപ്പിച്ചയാൾ എസ്.എഫ്.ഐ പ്രവർത്തകനല്ലെന്ന് ജില്ലാ കമ്മിറ്റി വ്യക്തമാക്കി. ഇയാൾ സംഘടനയുടെ യാതൊരു ഘടകത്തിലും പ്രവർത്തിക്കുന്നയാളോ അംഗമോ അല്ലെന്നും എസ്.എഫ്.ഐ അറിയിച്ചു.
എസ്.എഫ്.ഐയുടെ പ്രകടനത്തിനിടെ ഇയാൾ എങ്ങനെ സംഘത്തിൽ എത്തിയെന്ന് പരിശോധിക്കണമെന്നും ജില്ലാ കമ്മിറ്റി ആവശ്യപ്പെട്ടു. തിരുവനന്തപുരത്ത് ഇന്നലെ നടന്ന സംഘർഷങ്ങളിൽ പ്രതിഷേധിച്ച് എസ്.എഫ്.ഐ കൊല്ലം നഗരത്തിൽ നടത്തിയ പ്രകടനത്തിനിടെയാണ് ഫ്ലക്സ് നശിപ്പിച്ചത്.
ചിന്നക്കടയിലെ ഹെഡ് പോസ്റ്റ് ഓഫിസിന് സമീപം സ്ഥാപിച്ചിരുന്ന കോടിയേരി ബാലകൃഷ്ണന്റെ ഫ്ലക്സ് ബോർഡാണ് പ്രകടനത്തിനിടെ നശിപ്പിച്ചത്. മുൻനിരയിലുണ്ടായിരുന്ന ഒരാൾ യൂത്ത് കോൺഗ്രസിനെതിരെ മുദ്രാവാക്യം വിളിച്ചുകൊണ്ട് മീഡിയനിൽ സ്ഥാപിച്ചിരുന്ന ഫ്ലക്സ് വലിച്ചുകീറുകയായിരുന്നു.
കോടിയേരി ബാലകൃഷ്ണന്റെ നാലാം ഓർമ്മദിനത്തോടനുബന്ധിച്ചാണ് ഫ്ലക്സ് സ്ഥാപിച്ചിരുന്നത്.





The VIP treatment here is real. I feel valued as a player and the exclusive rewards are awesome. Join phvipjili for the premium experience.