തിരുവനന്തപുരം:കോഴിക്കോട് മെഡിക്കല് കോളേജ് ഐസിയുവില് വെച്ച് രോഗി പീഡിപ്പിക്കപ്പെട്ട സംഭവത്തില് അതിജീവിതയ്ക്ക് നീതി ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്.അതിജീവിത ഉന്നയിച്ച ആവശ്യം ഗൗരവമായി ഉള്ക്കൊണ്ടാണ് മെഡിക്കല് വിദ്യാഭ്യാസ ഡയറക്ടര് തലത്തില് സര്ക്കാര് അന്വേഷണം നടത്തിയത്.അന്വേഷണ റിപ്പോര്ട്ടിന്റെ അടിസ്ഥാനത്തില് നടപടി സ്വീകരിച്ച സീനിയര് നഴ്സിംഗ് ഓഫീസര് ഉള്പ്പെടെയുള്ളരുടെ കാര്യത്തില് കോടതിയുടെ തീര്പ്പനുസരിച്ച് തീരുമാനമെടുക്കുമെന്നും മന്ത്രി വ്യക്തമാക്കി.ആ അന്വേഷണ റിപ്പോര്ട്ടില് കുറ്റക്കാരെന്ന് കണ്ടെത്തിയവര്ക്കെതിരെ നടപടി സ്വീകരിച്ചു.
ഇലക്ടല് ബോണ്ട്;സിപിഎമിനെതിരെ ആരോപണവുമായി ഷിബു ബേബി ജോണ്
അതിജീവിത മന്ത്രിയെ കണ്ട് കൂടുതല് കാര്യങ്ങള് പറഞ്ഞു. തുടര്ന്ന്, കൂടുതല് വിശദമായ അന്വേഷണം നടത്താന് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് മന്ത്രി നിര്ദേശം നല്കി.8 പേര് വീഴ്ച വരുത്തിയതായി ഈ അന്വേഷണത്തില് കണ്ടെത്തി.സീനിയര് നഴ്സിംഗ് ഓഫീസര് കര്ത്തവ്യ നിര്വഹണത്തില് വീഴ്ച വരുത്തിയെന്നാണ് കണ്ടെത്തിയത്.അതിന്റെ വെളിച്ചത്തിലാണ് നടപടിയെടുത്തത്. അതിജീവിതയ്ക്ക് നീതി ലഭ്യമാക്കുക എന്നത് മാത്രമാണ് ഇതില് കണക്കിലെടുത്തതെന്നും ആരുടേയും മുഖം നോക്കിയല്ല നടപടിയെന്നും വീണ ജോര്ജ് പറഞ്ഞു.
