തിരുവനന്തപുരം: സെക്രട്ടറിയേറ്റിനു മുന്നില് ഇന്ന് ആശ വര്ക്കര്മാരുടെ മഹാസംഗമം നടക്കും. ഓണറേറിയം വര്ധിപ്പിക്കുക, പെന്ഷന് ആനുകൂല്യം നല്കുക തുടങ്ങിയ ആവശ്യങ്ങള് അംഗീകരിക്കാനുളള സമരം ശക്തമായി തുടരുമെന്നും കേരള ആശ ഹെല്ത്ത് വര്ക്കേഴ്സ് അസോസിയേഷന് അറിയിച്ചു.
സംസ്ഥാനത്തെ മുഴുവന് ആശാവര്ക്കര്മാരും സമരത്തിന് എത്തണം എന്നാണ് സമര സമിതിയുടെ ആഹ്വാനം. ആശ വര്ക്കര്മാര് സെക്രട്ടറിയേറ്റിനു മുന്നില് നടത്തുന്ന സമരം ഇന്ന് പതിനൊന്നാം ദിവസത്തിലേക്ക് കടന്നിരിക്കുകയാണ്.
ഓണറേറിയം വര്ധിപ്പിക്കാതെ മുന്നോട്ടുപോകാന് ആകില്ല എന്നാണ് ആശ വര്ക്കര്മാരുടെ നിലപാട്. ഇന്നുമുതല് സമരം കൂടുതല് ശക്തമാകുമെന്നും ആശ വര്ക്കര്മാര് അറിയിച്ചു.
അതേസമയം സെക്രട്ടേറിയേറ്റിനു മുന്നില് ആശ വര്ക്കര്മാര് നടത്തുന്ന രാപ്പകല് സമരത്തിനെതിരെ നല്കിയ കോടതിയലക്ഷ്യ ഹര്ജി ഹൈക്കോടതി ഇന്ന് പരിഗണിക്കും. സെക്രട്ടറിയേറ്റിന് മുന്നിലെ നടപ്പാതയും റോഡും കൈയ്യേറി നടത്തിയ രാപ്പകല് സമരം കോടതി ഉത്തരവിന്റെ ലംഘനമാണ് എന്നാണ് ഹര്ജിക്കാരന്റെ വാദം.
