കോഴിക്കോട്: ബാലുശ്ശേരിയില് മാനസിക രോഗിയായ മകൻ അച്ഛനെ കുത്തിക്കൊലപ്പെടുത്തി. ചനോറ അശോകനാണ് കൊല്ലപ്പെട്ടത്. പ്രതിയായ മകൻ സുബീഷിനെ പോലീസ് കസ്റ്റഡിയിലെടുത്തു. തിങ്കളാഴ്ച ഉച്ചയോടെയാണ് സംഭവം. വൈകീട്ട് വീട്ടില് ലൈറ്റ് കാണാഞ്ഞതിനെ തുടർന്ന് അയല്വാസി വന്നുനോക്കിയപ്പോഴാണ് രക്തത്തില് കുളിച്ചുകിടക്കുന്ന അശോകനെ കണ്ടത്. മൃതദേഹം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.
എട്ട് വർഷം മുമ്പ് അശോകൻ്റെ ഭാര്യയെ മറ്റൊരു മകൻ കൊലപ്പെടുത്തിയിരുന്നു. മാനസികാസ്വാസ്ഥ്യം പ്രകടിപ്പിക്കാറുള്ള സുബീഷ് ലഹരി ഉപയോഗിച്ചിരുന്നുവെന്നാണ് നാട്ടുകാർ പറയുന്നത്. നേരത്തെ അമ്മയെ കൊന്ന മകനും ലഹരിക്കടിമയായിരുന്നു.
