കോഴിക്കോട്: തദ്ദേശ സ്വയംഭരണ തിരഞ്ഞെടുപ്പിനോടനുബന്ധിച്ച് ഫറോക്ക് നഗരസഭയിലെ പതിനാലാം ഡിവിഷൻ എൽഡിഎഫ് കമ്മിറ്റിയുടെ ആഭിമുഖ്യത്തിൽ കുടുംബ സംഗമം സംഘടിപ്പിച്ചു. പൊതുമരാമത്ത് വകുപ്പ് മന്ത്രി പി.എ. റിയാസ് പരിപാടി ഉദ്ഘാടനം ചെയ്തു. പതിനാലാം ഡിവിഷനിലെ എൽഡിഎഫ് സ്ഥാനാർത്ഥിയായ അഡ്വക്കേറ്റ് ജൂറൈജിന് വേണ്ടി വോട്ടഭ്യർഥിച്ചുകൊണ്ടാണ് പരിപാടിക്ക് തുടക്കം കുറിച്ചത്.
പതിനാലാം ഡിവിഷൻ സി.പി.ഐ.എം. ഏരിയ സെക്രട്ടറി സി. ബാലകൃഷ്ണൻ സ്വാഗതം ആശംസിച്ചു. ആർ.ജെ.ഡി. നേതാവ് പരിപാടിയുടെ അധ്യക്ഷത വഹിച്ചു. ഫറോക്ക് നഗരസഭയിലെ 39 ഡിവിഷനുകളിലും ഇത്തരത്തിൽ കുടുംബ സംഗമം സംഘടിപ്പിച്ചതായി മന്ത്രി റിയാസ് പരിപാടിയിൽ വ്യക്തമാക്കി. ചടങ്ങിൽ, ഹിമാചൽ പ്രദേശിലുണ്ടായ അപകടത്തിൽ വീരമൃത്യു വരിച്ച വീരജവാൻ ആദർശിന്റെ പിതാവ്, പോലീസ് സേനയിലേക്ക് തിരഞ്ഞെടുക്കപ്പെട്ട അഖിൽ, ഇന്ത്യൻ ബുക്ക് ഓഫ് റെക്കോർഡിൽ ഇടം നേടിയ അമയ എന്നിവരെ പൊന്നാടയണിയിച്ചു.
കൂടാതെ, നാട്ടിലെ ഒട്ടനവധി സംഭാവനകൾക്ക് കാരണക്കാരായ പാർട്ടി പ്രവർത്തകരും സാമൂഹിക പ്രവർത്തകരുമായ ബാവ ഇടക്കാട്ട്, പത്മനാഭൻ, വേലായുധൻ, കുട്ടിശ്വരൻ, പീതാംബരൻ മരയ്ക്കാർ, കണ്ണാരി രവി ഓമശ്ശേരി, സുന്ദർ, ലീല, ബി. പാത്തുമ്മ, ആയിഷ, അലവിക്കുട്ടി എന്നിവരെയും ആദരിച്ചു.സദസ്സിൽ വന്നവരോടെല്ലാം വോട്ട് അഭ്യർഥിക്കുകയും താൻ നടപ്പാക്കാൻ പോകുന്ന വികസന പ്രവർത്തനങ്ങളെക്കുറിച്ച് വിശദീകരിക്കുകയും ചെയ്തുകൊണ്ട് സ്ഥാനാർത്ഥി അഡ്വ. ജൂറൈജ് പരിപാടി സമാപിപ്പിച്ചു.
