കോഴിക്കോട്: ഭൗതിക സാഹചര്യങ്ങളിൽ ഏറെ മുന്നിലാണെങ്കിലും സ്വന്തമായി ഒരു ഓഡിറ്റോറിയം എന്ന കുറവ് പരിഹരിക്കാനൊരുങ്ങി ആരാമ്പ്രം ജി.എം.യു.പി സ്കൂൾ. ഡോ. എം.കെ. മുനീർ എം.എൽ.എയുടെ 2025-26 വർഷത്തെ ആസ്തി വികസന ഫണ്ടിൽ നിന്നും അനുവദിച്ച 25 ലക്ഷം രൂപ ഉപയോഗിച്ചാണ് സ്കൂളിൽ പുതിയ ഓഡിറ്റോറിയം നിർമ്മിക്കുന്നത്.

2000 സ്ക്വയർ മീറ്റർ വിസ്തീർണ്ണത്തിൽ നിർമ്മിക്കുന്ന ഈ ഓഡിറ്റോറിയം പൂർത്തിയാകുന്നതോടെ പഞ്ചായത്തിലെ തന്നെ ഏറ്റവും വലിയ ഓഡിറ്റോറിയങ്ങളിൽ ഒന്നായി ഇത് മാറും. ഈ മാസം അവസാനത്തോടെ നിർമ്മാണ പ്രവൃത്തികൾ ആരംഭിക്കുമെന്ന് എം.എൽ.എ ഓഫീസ് സ്കൂൾ അധികൃതരെ അറിയിച്ചു.