കൊച്ചി: സംവിധായകൻ സനൽ കുമാർ ശശിധരനെതിരെ മാനനഷ്ടക്കേസുമായി നടി മഞ്ജു വാര്യർ. എറണാകുളം മുൻസിഫ് കോടതിയിലാണ് മഞ്ജു വാര്യർ ഹർജി നൽകിയത്. ഹർജിയിൽ സനൽ കുമാർ ശശിധരന് കോടതി സമൻസ് അയക്കും. ഹർജി നവംബർ അഞ്ചിന് പരിഗണിക്കുമെന്നാണ് വിവരം.
യൂട്യൂബർ ഷാജൻ സ്കറിയയും മെറ്റയും ഹർജിയിൽ മറുപടി നൽകണമെന്നും ആവശ്യപ്പെട്ടിട്ടുണ്ട്. സമൂഹമാധ്യമങ്ങളിലൂടെ അപകീർത്തികരമായ പരാമർശങ്ങൾ നടത്തിയെന്നാരോപിച്ച് സനൽ കുമാർ ശശിധരനെതിരെ മഞ്ജു വാര്യർ നേരത്തെയും കേസ് നൽകിയിരുന്നു.
