കൊച്ചി : ഹേമകമ്മിറ്റി റിപ്പോര്ട്ടിന് പിന്നാലെ സിനിമ മേഖലയിലെ ഉന്നതര്ക്കെതിരെ പീഡന പരാതി നല്കിയതിന്റെ പേരില് സമൂഹമാധ്യമങ്ങളിലൂടെ അപമാനിക്കുന്നു എന്ന ആലുവ സ്വദേശിനിയായ നടിയുടെ പരാതിയിൽ കേസെടുത്ത് പൊലീസ്. മോര്ഫ് ചെയ്ത അശ്ലീല ചിത്രങ്ങള് സമൂഹമാധ്യമങ്ങളില് പ്രചരിപ്പിക്കുന്നു എന്ന നടിയുടെ പരാതിയില് ആലുവ സൈബര് പൊലീസാണ് കേസെടുത്തിരിക്കുന്നത്.
ചിത്രങ്ങള് പലതും വ്യാജ അക്കൗണ്ടുകളിലൂടെയാണ് പ്രചരിപ്പിച്ചിരിക്കുന്നത്. നടി ചില സ്ക്രീന് ഷോട്ടുകള് പൊലീസിന് കൈമാറിയിട്ടുണ്ട്. പരാതിയില് കേസ് എടുത്തെങ്കിലും എഫ്.ഐ.ആറില് ആരുടേയും പേര് ചേര്ത്തിട്ടില്ല. വ്യാജ പ്രൊഫൈലുകളായതിനാലാണ് എഫ്.ഐ.ആറിൽ പേര് ചേർക്കാത്തതെന്ന് പൊലീസ് വ്യക്തമാക്കി.
നടന്മാരായ മുകേഷ്, മണിയന്പിള്ള രാജു, ജയസൂര്യ, ഇടവേള ബാബു എന്നിവര്ക്കെതിരെ ഗുരുതര ആരോപണങ്ങൾ ഉന്നയിച്ച നടിയാണ് പരാതി നൽകിയിരിക്കുന്നത്. പരാതി നൽകിയ കാര്യം നടി തന്നെ സാഹൂഹ്യ മാധ്യമങ്ങൾ വഴി അറിയിച്ചിട്ടുണ്ട്.
