തൃശ്ശൂർ: കലാസാധനക്കും ചിന്തയ്ക്കും സമർപ്പിച്ച ദശദിന ഐക്യ ആർട്ട് ഫാം വർക്ക് ഷോപ്പ് ജനുവരി 3 മുതൽ 12 വരെ കാണിപ്പയ്യൂർ പുതുശ്ശേരിയിൽ നടക്കും. വിവിധ കലാരൂപങ്ങളിൽ സജീവമായ കലാകാരന്മാർക്ക് ലക്ഷ്യമിട്ട് സ്ഥിരമായി സംഘടിപ്പിക്കുന്ന ശില്പശാലകളുടെ ഭാഗമായി ഇത്തവണയും ക്യാമ്പ് ഒരുക്കിയിരിക്കുകയാണ്.

ഇന്ത്യൻ കലാരംഗത്ത് ശ്രദ്ധേയരായ കലാകാരന്മാർ വിഷയാവതരണം നടത്തുന്ന ഈ ക്യാമ്പിന് കലാചരിത്രകാരനായ പ്രൊഫ. ശിവജിപണിക്കർ നേതൃത്വം നൽകും. മുൻകൂട്ടി രജിസ്ട്രേഷൻ നടത്തിയ 18 പേർക്ക് മാത്രമാണ് പങ്കെടുക്കാനുള്ള അവസരം. ഇന്ത്യയുടെ വിവിധ സംസ്ഥാനങ്ങളിൽ നിന്നുള്ള കലാകാരന്മാർ ക്യാമ്പിൽ പങ്കെടുക്കാനായി രജിസ്റ്റർ ചെയ്തിട്ടുണ്ടെന്ന് സംഘാടകർ അറിയിച്ചു.