കൊച്ചി:യാത്രക്കാരെ വലച്ച് എയര് ഇന്ത്യ എക്സ്പ്രസ് ഇന്നും സര്വ്വീസ് മുടങ്ങി.രാവിലെ വിവിധ സര്വീസുകള് റദ്ദാക്കിയതായി അറിയിപ്പ് വന്നു. കണ്ണൂരില് നിന്നുള്ള രണ്ട് സര്വീസുകളും കൊച്ചിയില് നിന്നുള്ള ഒരു സര്വീസുമാണ് തിങ്കളാഴ്ച രാവിലെ റദ്ദാക്കിയത്.
അബുദാബി, റിയാദ്, ദമാം, ബഹ്റൈന് എന്നിവിടങ്ങളില് നിന്ന് കൊച്ചിയിലേക്ക് എത്തേണ്ട സര്വീസുകള് റദ്ദാക്കി.രാവിലെ പുറപ്പെടേണ്ട ദമാം,ബഹ്റൈന് സര്വീസുകളും മുടങ്ങിയിരുന്നു. ആഭ്യന്തര സെക്ടറില് ബാംഗ്ലൂരു, കൊല്ക്കത്ത, ഹൈദരാബാദ് സര്വീസുകളും ഇന്ന് മുടങ്ങി.
കൊച്ചിയില് നിന്നുള്ള ചില സര്വീസുകള് ഇന്നലെയും മുടങ്ങിയിരുന്നു.
ടൊവിനോയോട് മാപ്പും കോപ്പും പറയാന് തയ്യാറല്ല;സംവിധായകന് സനല് കുമാര്
ജീവനക്കാര് സമരം പിന്വലിച്ചെങ്കിലും സര്വീസുകള് പൂര്ണമായും സാധാരണ നിലയിലാകാത്തതാണ് കഴിഞ്ഞ ദിവസവും വിമാനങ്ങള് റദ്ദാക്കാന് കാരണം.സമരം മൂലം വിമാനത്താവളങ്ങള്ക്കും കോടികളുടെ വരുമാന നഷ്ടമാണുണ്ടായത്. വിവിധ വിമാനത്താവളങ്ങളിലായി ലക്ഷക്കണക്കിന് ആളുകളുടെ യാത്രയും മുടങ്ങി.ഗള്ഫിലും മറ്റ് ജോലി ചെയ്തിരുന്ന, അവധിക്ക് നാട്ടില് വന്ന പ്രവാസികള്ക്ക് യഥാസമയം മടങ്ങാന് സാധിക്കാതെ വന്നതുകൊണ്ട് ജോലി നഷ്ടപ്പെടുന്നത് ഉള്പ്പെടെയുള്ള സാഹചര്യങ്ങള് വരെ ഉണ്ടായി.
