പത്തനംതിട്ട: സ്വകാര്യ ബസ് മേഖലയിലെ വരുമാന പ്രതിസന്ധി കൂടുതൽ രൂക്ഷമാകുന്നു. യാത്രക്കാരുടെ എണ്ണം കുറഞ്ഞതോടെ അധിക വരുമാന മാര്ഗങ്ങള് കണ്ടെത്തണമെന്ന ഗതാഗത മന്ത്രിയുടെ നിര്ദേശത്തെ പരിഹസിച്ച് ചില സ്വകാര്യ ബസ് ഓപ്പറേറ്റര്മാര് ബസിനുള്ളില് തന്നെ പലഹാര വില്പ്പന ആരംഭിച്ച് പ്രതിഷേധിക്കുകയാണ്.
ബസില് കയറുന്ന യാത്രക്കാര്ക്ക് ടിക്കറ്റിനൊപ്പം മുറുക്കും അച്ചപ്പവും കുഴലപ്പവും വാങ്ങാമെന്നാണ് ഇവർ പറയുന്നത്. ‘വരുമാനം കണ്ടെത്താന് പുതിയ വഴികള് നോക്കണം’ എന്ന ഗതാഗത മന്ത്രി സിപി ജോണിന്റെ നിര്ദേശം തന്നെ പ്രതിഷേധത്തിന്റെ ആശയമാക്കിയെന്നാണ് ബസ് ഉടമകളുടെ വിശദീകരണം. ‘ഞങ്ങള് പണമുണ്ടാക്കാനല്ല പലഹാരങ്ങള് വിതരണം ചെയ്യുന്നത്. സ്വകാര്യ ബസുകള്ക്ക് ടിക്കറ്റിലൂടെയല്ലാതെ എന്ത് വരുമാനമാണ് യഥാര്ഥത്തില് ഉണ്ടാക്കാന് കഴിയുകയെന്ന് സര്ക്കാരിന് ബോധ്യപ്പെടുത്തി നല്കാണ് ഞങ്ങള് ശ്രമിക്കുന്നത്’- കണ്ടക്ടർമാർ പറയുന്നു.
