വയനാട്: രാജ്യത്ത് കോൺഗ്രസിന്റെ തിരിച്ചുവരവ് കേരളത്തിലെ യുഡിഎഫിന്റെ വിജയത്തിലൂടെയായിരിക്കുമെന്ന് ടി. സിദ്ദിഖ് എംഎൽഎ. വയനാട്ടിലെ മൂന്ന് സീറ്റുകൾ ഉൾപ്പെടെ സംസ്ഥാനത്ത് 90 സീറ്റുകളിൽ യുഡിഎഫ് വിജയിക്കുമെന്ന് അദ്ദേഹം ആത്മവിശ്വാസം പ്രകടിപ്പിച്ചു. തിരഞ്ഞെടുപ്പ് ഫലം വരുന്നതിന് മുൻപ് നടക്കുന്ന മുഖ്യമന്ത്രി ചർച്ച സിപിഎമ്മിന്റെ കെണിയാണെന്നും സിദ്ദിഖ് ആരോപിച്ചു. ഈ ചർച്ചയിൽ കോൺഗ്രസ് പ്രവർത്തകരും നേതാക്കളും വീഴരുതെന്നും അദ്ദേഹം മുന്നറിയിപ്പ് നൽകി. പിണറായി വിജയനെ കേന്ദ്രീകരിച്ചുള്ള വ്യക്തിപരമായ പ്രചാരണമാണ് സിപിഎം നടത്തിയതെന്നും, ഇത് കോൺഗ്രസിന് ഗുണകരമായതായും അദ്ദേഹം പറഞ്ഞു. മുഖ്യമന്ത്രി […]