കൊച്ചി: നെടുമ്പാശ്ശേരിയിലെ മിനി കൂപ്പർ അപകടക്കേസിൽ ഒന്നാം പ്രതി സുഹൈൽ സജീവിന്റെ സാമ്പിൾ പരിശോധനാഫലം പുറത്ത്. അനുവദനീയമായ പരിധിയുടെ അഞ്ചിരട്ടിയിലധികം മദ്യത്തിന്റെ സാന്നിധ്യം പ്രതിയുടെ ശരീരത്തിൽ കണ്ടെത്തിയെന്നാണ് റിപ്പോർട്ട്. സുഹൈൽ മദ്യലഹരിയിലായിരുന്നുവെന്ന ദൃക്‌സാക്ഷികളുടെ മൊഴി ശരിവയ്ക്കുന്നതാണ് പരിശോധനാഫലമെന്ന് പൊലീസ് വിലയിരുത്തുന്നു. രക്തത്തിലെ മദ്യത്തിന്റെ അനുവദനീയമായ പരിധി 100 മില്ലിലിറ്ററിൽ 30 മില്ലിഗ്രാം ആണെന്നാണ് കണക്കാക്കുന്നത്. എന്നാൽ സുഹൈലിന്റെ പരിശോധനാഫലത്തിൽ 150 മില്ലിഗ്രാമിലധികം രേഖപ്പെടുത്തിയതായാണ് റിപ്പോർട്ട്. ഇതോടെ പ്രതിയുടെ ജാമ്യാപേക്ഷയെ ശക്തമായി എതിർക്കാനാണ് പൊലീസിന്റെ തീരുമാനം. സുഹൈൽ സജീവിന്റെ […]