പാലക്കാട്: തദ്ദേശ തിരഞ്ഞെടുപ്പുമായി ബന്ധപ്പെട്ട് വോട്ടെടുപ്പ് ദിവസം പോളിങ് സ്റ്റേഷനു സമീപം സ്ഥാനാർത്ഥികളുടെ ബൂത്തുകൾ സ്ഥാപിക്കുന്നത് കർശനമായ മാർഗ്ഗനിർദ്ദേശങ്ങൾ പാലിച്ചായിരിക്കണമെന്ന് തിരഞ്ഞെടുപ്പ് കമ്മീഷൻ നിർദേശിച്ചു. ഗ്രാമപഞ്ചായത്ത് പരിധിയിൽ ബൂത്ത് സ്ഥാപിക്കുമ്പോൾ പോളിങ് സ്റ്റേഷനിൽ നിന്ന് 200 മീറ്റർ അകലവും നഗരസഭാ മേഖലയിലെന്നാൽ 100 മീറ്റർ അകലവും പാലിക്കണമെന്നതാണ് പ്രധാന നിർദേശം. സ്ഥാനാർത്ഥിയുടെ പേര്, പാർട്ടി ചിഹ്നം എന്നിവ അടങ്ങിയ ഒരു ബാനർ മാത്രം ബൂത്തില്‍ സ്ഥാപിക്കാം. ബൂത്ത് സ്ഥാപിക്കാൻ ബന്ധപ്പെട്ട അധികാരിയിൽ നിന്ന് രേഖാമൂലമുള്ള അനുമതി നിർബന്ധമാണ്. […]