ആലപ്പുഴ: മാസങ്ങൾക്ക് ശേഷമാണ് അമ്പലപ്പുഴ എം എൽ എ ജി സുധാകരൻ തന്റെ ഔദ്യോഗിക ഫേസ്ബുക്ക് പേജിലെ കമന്റ് ബോക്സ് തുറന്നത്. തുറന്നത് മാത്രമേ ഓര്മ കാണുള്ളൂ, അപ്പോഴേക്കും തുടങ്ങി വൻ സൈബർ ആക്രമണം. ആലപ്പുഴയിൽ നാളെ തുറക്കുന്ന തന്റെ എം എൽ എ ഓഫീസ് ഉദ്ഘാടന ചടങ്ങുമായി ബന്ധപ്പെട്ട വിവരങ്ങൾ പങ്കുവെച്ചുകൊണ്ടുള്ള പോസ്റ്റിന് താഴെയാണ് വലിയ രീതിയിലുള്ള വിമർശനങ്ങളും ചീത്തവിളികളും ഉയർന്നത്.
സി പി എമ്മുമായുള്ള ബന്ധം അവസാനിപ്പിച്ചത് മുതൽ തുടങ്ങിയ തെറിവിളി കാരണമാണ് മുൻ മന്ത്രി കൂടിയായ മുതിർന്ന നേതാവ് 2 മാസം മുന്നേ കമന്റ് ബോക്സ് പുട്ടിയത്. മാസങ്ങൾ കഴിഞ്ഞിട്ടും യാതൊരു കുറവും ഇല്ലാതെ തുടരുകയാണ് സൈബർ ആക്രമണം. ഇതോടെ മിനിറ്റുകൾക്കകം അദ്ദേഹം കമന്റ് ബോക്സ് വീണ്ടും പൂട്ടി.
എ ഐ സി സി സംഘടന ജനറൽ സെക്രട്ടറിയും ആലപ്പുഴ എം പിയുമായ കെ സി വേണുഗോപാലാണ് ജി സുധാകരന്റെ എം എൽ എ ഓഫീസ് ഔദ്യോഗികമായി ഉദ്ഘാടനം ചെയ്യുന്നത്. സി പി എം ബന്ധം ഉപേക്ഷിച്ച് അമ്പലപ്പുഴയിൽ യു ഡി എഫ് പിന്തുണയോടെ സ്വതന്ത്ര സ്ഥാനാർഥിയായി മത്സരിച്ചാണ് ജി സുധാകരൻ ജയിച്ചത്. അതിനുശേഷമാണ് സൈബർ ആക്രമണം രൂക്ഷമായത്.
